add one
gallery images

შევინარჩუნოთ ბაკურიანის ბუნება

როგორც ვიცით,ბაკურიანი გამოირჩევა თავისი განსაკუთრებული,სამკურნალო თვისებებით.სეზონურად ჰყავს უამრავი დამსვენებელი და თითოეული მათგანის სტუმრობის მთავარი მიზანია სუფთა გარემოში დასვენება.ჩვენ,დამსვენებლები ყოველწლიურად ვცდილობთ გამოვექცეთ დიდი ქალაქების სამშენებლო მტვერს,გამონაბოლქვსა და ხმაურს.სამწუხაროდ,ბაკურიანი,ფაქტობრივად,კარგავს თავის სასარგებლო თვისებებს.მიმდინარე(2017) წლის ზაფხულში,ყოველღიურად,დილის 6 საათიდან იწყება სამშენებლო-სატვირთო მანქანების მოძრაობა,რომელიც გამოყოფს სიცოცხლისთვის საშიშ ნივთიერებებს.შეუძლებელია ქვეითად გადაადგილება,ოთახების განიავება.ჩვენი მოთხოვნაა სეზონური დასვენების დროს შეაჩეროთ მსგავსი პროცესები(მშენებლობები) და მოგვცეთ საშუალება დავისვენოთ ეკოლოგიურად სუფთა გარემოში.
gallery images

მოვითხოვთ დედაქალაქში გაკეთდეს ეკოლოგიურად სუფთა მიწისზედა ტრამვაი

გაკეთდეს თბილისში მიწისზედა ტრამვაი, რომელიც იქნება ეკოლოგიურად სუფთა და განტვირთავს მოძრაობას. ასევე საზოგადოებრივი ტრანსპორტის მოძრაობის ნაკადის დახარისხება მოხდეს. ისე როგორც არის მაგალითისთვის სტამბულში. კონკრეტულ უბნებზე იმოძრავებს ტრამვაი სხვა დანარჩენ ადგილებზე ავტობუსი რომელიც ივლის შემოსაზღვრულ ტერიტორიაზე და გამვლელი მანქანები არ შეუშლიან ხელს. 20მლნ იანი ქალაქია და საცობები იშვიათადაა. იქნებ ამგვარად გახდეს თბილისი განტვირთული. გადმოიღეთ სტამბულის მაგალითი იდეალურია საქართველოსთვის.
gallery images

ზღვისუბანში მოეწყოს სარეკრეაციო ზონა,აიკრძალოს კერძო ავტოფარეხები და შეიქმნას პარკირების ადგილები

ზღვისუბანში (ყოფ.თემქა) ფაქტიურად არც ერთი ნორმალური რეკრეაციული ზონა არ არსებობს. განსაკუთრებით,უბნის მეთერთმეტე მიკრორაიონში. დაარსებიდან დღემდე მხოლოდ 3 სკამი დაიდგა. კორპუსის მაცხოვრებლებს სხვა კვარტალში უწევთ გადასვლა იმისათვის,რომ უბრალოდ დაისვენონ. კორპუსების მიმდებარე ტერიტორია ცენტრალურ გზას ჰგავს - წუთიც არ გადის,რომ მანქანამ არ გაიაროს. მეტიც - თითქმის ყველას აქვს ავტოფარეხი,თუმცა ფაქტიურად არავინ იყენებს მას. უმეტესობას საკუთარი ავტომობილი შუა გზაზე უდგას,რაც არამხოლოდ დასუფთავების სამსახურის მანქანის გავლას უშლის ხელს,არამედ ჩვეულებრივი პატარა მანქანისაც. სადარბაზოს წინ ძალიან დიდი ადგილია,სადაც ბევრის განხორციელება შეიძლებაკორპუსის მოსახლეობის უმეტესი ნაწილი თხოვნით მოგმართავთ,აიკრძალოს კერძო ავტოფარეხები,შეიქმნას ყველასთვის ერთიანი პარკირების სისტემა,ქუჩა ერთ ბოლოში გადაიკეტოს და მოეწყოს სარეკრეაციო,დასასვენებელი ზონა დიდებისთვის და პატარებისთვის. დიდი მადლობა! 
gallery images

მიენიჭოს კრწანისის ტყეპარკს დაცვითი სტატუსი !

მოვითხოვთ, კრწანისის ტყეპარკს მიენიჭოს დაცვითი სტატუსი!კრწანისის ტყეპარკი თბილისსა და რუსთავს შორის არსებული ულამაზესი მწვანე ტერიტორიაა. მისი დაარსების მთავარი მიზანი დედაქალაქთან ახლოს რეკრეაციული სივრცის შექმნა იყო.ტყეპარკი ამჟამად სახელმწიფოს მფლობელობაშია და მას არანაირი დაცვითი სტატუსი არა აქვს!  პარკის ეკოლოგიურ-სანიტარული მდგომარეობა არადამაკმაყოფილებელია, ვინაიდან არცერთი უწყება არ ახორციელებს ტერიტორიის მართვას. მუნიციპალური ნარჩენები განთავსებულია ყველგან, არ დგას სანაგვე ურნები. ადგილობრივი მოსახლეობა ტყაპარკს საძოვრად და შეშის მოსაპოვებლად იყენებს. დაუცველობის გამო აქ სისტემატურად გვხვდებიან მონადირეები, რაც დამსვენებლებისათვის სერიოზული საფრთხის შემცველია და დიდ ზიანს აყენებს ტყეპარკის უნიკალურ ბიომრავალფეროვნებას. ტყეპარკი თბილისის მოსახლეობისთვის ქმნის უნიკალურ შესაძლებლობას, განაშენიანებულ ტერიტორიაზე თავი იგრძნოს ბუნებრივ გარემოში, შორს ქალაქის ხმაურისაგან, მტვირსაგან და ურბანული გარემოსაგან. ვაკე რელიეფი და ულამაზესი ხეივნებით შემოსილი გზები შესანიშნავი პირობაა ველოსიპედით სეირნობისათვის. ასევე საუკეთესოა პიკნიკის, კემპინგის, საგანმანათლებლო ტურების, ექსკურსიების მოსაწყობად და ფრინველებზე დასაკვირვებლად.კრწანისის ტყეპარკის შენარჩუნება ისტორიული შანსია თბილისის განვითარებისათვის.CENN თბილისის სკოლების, ახალგაზრდობის და მოსახლეობის სახელით მიმართავს საქართველოს მთავრობას, ეკონომიკისა და მდგრადი განვითარების სამინისტროსა და თბილისის მერიას:მიენიჭოს ტყეპარკს სამართლებრივი სტატუსი!შემოგვიერთდით!დააფიქსირეთ თქვენი მხარდაჭრა ხელმოწერით.
gallery images

აიკრძალოს მაღაზიებში ყველანაირი ბრაკონიერული ნივთების გაყიდვა!

აიკრძალოს ყველანაირი ბრაკონიერული ნივთების ყიდვა გაყიდვა.სახლართი ბადეები ხელმისაწვდომი იყოს მხოლოდ იმ პირებზე ვინც წარმოადგენს მის საკუთრებაში არსებული სათევზაო მეურნეობის სპეციალურ ნებართვას.
gallery images

მოვითხოვთ რეკრეაციული ზონის შექმნას ელიავას ბაზრობის ტერიტორიაზე !

ჩვენი, ახალგაზრდების აზრით, სახელმწიფოს პრიორიტეტი არ უნდა იყოს მხოლოდ ეკონომიკური თუ სოციალური პრობლემების მოგვარება. მისი ერთ-ერთი მთავარი ვალდებულება უნდა იყოს ის, რომ ეკოლოგიურად სუფთა, ლამაზი და კომფორტული გარემო შეუქმნას ხელისუფლების წყაროს, ხალხს, რომლის წინაშეც თავადვეა ანგარიშვალდებული. ჩვენი არასამთავრობო ორგანიზაცია აქტიურად არის ჩართული თბილისის მასშტაბით ინფრასტრუქტურულ პროექტებში, რომელიც მოიცავს სკვერებისა და სპორტული მოედნების რეაბილიტაციასა და შექმნას, რათა ჩვენი ახალგაზრდობა ჯანსაღ გარემოში გაიზარდოს. გამოვდივართ ინიციატივით, რომ ე.წ ელიავას ბაზრობა შორეულ თუ ახლო პერსპექტივაში გადატანილი იქნეს ქალაქგარეთ და მის ადგილზე აშენდეს სპორტკომპლექსი და აუზი ხოლო დარჩენილ ტერიტორიაზე მოხდეს სკვერის აშენება. ვითვალისწინებთ,რომ აღნიშნული ტერიტორია არის კერძო საკუთრება და ასეთი ინიციატივით კერძო მესაკუთრე არ ზარალდება,ხოლო მოსახლეობას მიეცემა საშუალება დაისვენოს და იცხოვროს ჯანმრთელი ცხოვრების წესით. გარდა ემპერიული წესით აზროვნებისა, არსებობს კიდევ სხვა მრავალი მიზეზი, თუ რატომ უნდა იყოს დედაქალაქის ერთ-ერთ ცენტრალურ რაიონში აღნიშნული ადგილი. რაც შეეხება იმ პირებს, რომლებიც კერძო საქმიანობით არიან დაკავებულნი აღნიშნულ ტერიტორიაზე, სახელმწიფომ უნდა შესთავაზოს შესაბამისი ალტერნატიული ადგილი, რათა მათ განაგრძონ კერძო სფეროში მოღვაწეობა ნეგატიური დაბრკოლებების გარეშე. ჩვენ იმედი გვაქვს, რომ ხელისუფლება დაინტერესდება არსებული პრობლემით და ჩვენს შეთავაზებას მხედველობაში მიიღებს,რადგან ეს არის დიდუბელი ხალხის არამარტო ნება-სურვილი, არამედ თხოვნა და შეგვიძლია უაპელაციოდ განვაცხადოთ, რომ აღნიშნული სიკეთით ისარგებლებს მთელი ქალაქი, რაც იქნება კიდევ ერთი წინ გადადგმული ნაბიჯი ხელისუფლების მხრიდან ხალხის საკეთილდღეოდ. პატივისცემით,"პროგრესული თაობა საქართველოსთვის" გენ. დირექტორი გ. ქაჯაია
gallery images

შეწყდეს ბზის განადგურება

მოვითხოვთ შეწყდეს ბზის განადგურება და შეიცვალოს სხვა ალტერნატიული გზებით, რომელიც არ მიაყენებს ზიანს ეკო სისტემას. კანონით აიკრძალოს ბზის მასიური ჭრა-განადგურება. შეიცვალოს ცოცხალი ქოთნის ბზით 
gallery images

ჰაერის დაბინძურების პრევენცია თბილისში

ატმოსფერული ჰაერის დაბინძურების თვალსაზრისით ქალაქში სავალალო მდგომარეობაა.საქართველოში მოძრავი მანქანების უმრავლესობა თბილისშია თავმოყრილი. ქალაქში ხშირია საცობები, რომლის დროსაც ყველაზე დიდი რაოდენობით გაიფქვევა მავნე ნივთიერებები. ჰაერის შემცველობაში დამაბინძურებელი ნივთიერებების რაოდენობა თითქმის მთელი საქართველოს მასშტაბით დასაშვებ ნორმას 4-ჯერ აჭარბებს. დაბინძურების მთავარი წყარო ქვეყანაში, განსაკუთრებით კი დედაქალაქში მომრავლებული ავტოტრანსპოტი და მისი გამონაბოლქვია. სპეციალისტები ქრონიკული დაავადებების ერთ-ერთ გამომწვევ მიზეზად სწორედ ჰაერის დაბინძურებას ასახელებენ.აშკარაა, რომ გარკვეული მკაცრი ზომებია ამ მხრივ გასატარებელი.ქალაქში ეკოლოგიური მდგომარეობის გამოსაწორებლად და შესაბამისად განსატვირთავად გთავაზობთ შემდეგს:  1. მოხდეს ქუჩებში ტრანსპორტის მოძრაობის რაციონალური დაგეგმარება,2. საჯარო სკოლებსა და საბავშვო ბაღებში დაწესდეს რაიონული და მიკრო-რაიონული მიღების პრინციპი(ეს მე მგონი წინააღმდეგობაშია ადამიანის უფლებების ძირითად პრინციპთან)3. სატვირთო მანქანებისათვის ცენტრალურ ქუჩებზე სამოძრაოდ გაიცეს სპეციალური საშვი დროისა და დანიშნულების პუნქტის მითითებით.4. შეიზღუდოს ყვითელი სამარშრუტო ტაქსები ცენტრალურ უბნებში და ძირითადად გადანაწილდეს გარეუბნებში.5. აიკრძალოს ტაქსებად მარჯვენა-საჭიანი ტრანსპორტის გამოყენება, მგზავრის უსაფრთხოების გამო.6. შეიზღუდოს ტრანსპორტის მოძრაობა ცენტრალურ ქუჩებზე, თუნდაც ფასის დაწესების შედეგად7. ხელი შეეწყოს და წახალისდეს ტაქსებად ჰიბრიდული და ელექტრომობილების გამოყენებას8. მაღალი კუბატურის ძრავებზე დაწესდეს გარემოს ზიანის გადასახადი9. შეიქმნას ერთიანი ორგანო, რომელიც იქნება პასუხისმგებელი, მაკოორდინირებელი და მარეგულირებელი საგზაო მოძრაობის, ტრანსპორტისა და ყველა მასთან დაკავშირებულ საკთხებზე.10. აიკრძალოს ,,ევრო-4’’ ეკოლოგიურ სტანდარტზე უფრო ასაკოვანი ავტომობილების იმპორტი საქართველოში (რაც უკვე გააკეთა აზერბაიჯანმა).11. ტაქსის მძღოლებისთვის ამოქმედდეს მართვის მოწმობების კატეგორიების სისტემა. (ასეთი კატეგორია არ არსებობს)12. გამკაცრდეს რეგულაციები მწვანე საფარის მოვლა-შენარჩუნებასთან დაკავშირებით, კერძოდ ხეების ჭრის თაობაზე და ნარგავების გეგჩაზომიერი განაშენიანების განსავითარებლად.13. მელიქიშვილისა და ნიკოლაძის ქუჩების კვეთის მიმდებარედ, როგორც ეკოლოგიურად მძიმე მდგომრეობის არეალი, განთავსდეს ატმოსფერული ჰაერის მონიტორინგის ავტომატური სადგური, ან/და სისტემატურად ჩატარდეს ატმოსფერული ჰაერის დაბინძურების ინდიკატორული გაზომვები.14. რეალიზებადი საწვავის შემადგენლობის ნორმები მიახლოებული იყოს ევროკავშირში არსებულ ნორმებთან.15. სისტემატურად და გამჭვირვალედ ჩატარდეს საწვავის ხარისხის კვლევა დამოუკიდებელი ლაბორატორიის მიერ.
gallery images

შეიქმნას პარკირების ადგილები და აიკრძალოს ტროტუარზე მანქანის დაყენება

ბოლო დროს წარმოებული უამრავი მშენებლობისა და მანქანების მომატებული რაოდენობის, ამასთანავე გაუმართავი მანქანების გამო თბილისში სუნთქვა ფაქტიურად შეუძლებელი გახდა, ხოლო ქუჩებში გადაადგილება კი თითქმის წაემოუდგენელი. ქვეითად მოსიარულე მოქალაქეების ჩათვლით, რომელთაგან უამრავი მშობელი ბავშვთან ერთად,  ქვეითად ან საბავშვო ეტლით იძულებილია გადაადგილება მოახდინოს გზაზე, სადაც მოძრაობენ ავტომანქანები, იმის გამო, რომ ტროტუარებზე მანქანები აყენია. შშმ პირების გადაადგილება ასეთ პირობებში კი საერთოდ წარმოუდგენელია. უამრავი ადამიანია, ვისაც ეს პრობლემა აწუხებს და დისკომფორტთან ერთად საფრთხეს უქმნის მათ სიცოცხლეს. გთხოვთ, გაითვალისწინოთ და მოაგვაროთ აღნიშნული საკითხი. ნუ დაუშვებთ, საფრთხე შეექმნას თქვენი ქვეყნის მოქალაქეებს!
gallery images

დაბრუნდეს ტრამვაის ქსელი თბილისში

ჩვენს ქალაქს სჭირდება თანამედროვე, მაღალი კლასის საზოგადოებრივი ტრანსპორტი. ტრამვაის დაბრუნებას მრავალი დადებითი მხარე აქვს, პირველ რიგში ეკოლოგიური თვალსაზრისით დაეხმარება ქალაქს, რადგან ელექტროენერგიაზე მუშაობს და არ გამოყოფს გამონაბოლქვს; განმუხტავს გზებს რადგან, ერთი მცირე ტრამვაის ვაგონი იკავებს 3 ავტომობილის ადგილს და გადაყავს 10-15-ჯერ მეტი მგზავრი, შემცირდება საკუთარი ავტომობილით გადაადგილების საჭიროება;  მოსახერხებელი იქნება შეზღუდული შესაძლებლობის მქონე პირთათვის. საზოგადოებრივი ტრანსპორტი გახდება გაცილებით მიმზიდველი და კომფორტული.
gallery images

პეტიცია ართანა ჰესის წინააღმდეგ

საქართველოს პრემიერ-მინისტრსბატონ გიორგი კვირიკაშვილს საქართველოს გარემოსა და ბუნებრივი რესურსების დაცვის მინისტრსბატონ გიორგი აგულაშვილს საქართველოს პარლამენტისგარემოსა და ბუნებრივი რესურსების დაცვის კომიტეტის თავმჯდომარესბატონ კახა კუჭავას საქართველოს სახალხო დამცველსბატონ უჩა ნანუაშვილს მწვანე ალტერნატივის აღმასრულებელ დირექტორსქალბატონ ნინო გუჯარაიძეს მარტი, 2017 მოგახსენებთ, რომ ა.წ. 20 თებერვალს გარემოსა და ბუნებრივი რესურსების დაცვის სამინისტროს ვებ-გვერდზე გამოქვეყნდა ცნობა, იმის შესახებ, რომ თელავის მუნიციპალიტეტში, სოფელ ართანაში  მდ. დიდხევზე შპს „ართანა ლოპოტა“ გეგმავს 4.22 დადგმული სიმძლავრის ჰესის  მშენებლობას.გარემოზე ზემოქმედების შეფასების გამოქვეყნებული ანგარიშის თანახმად, საპროექტო ჰიდროელექტროსადგური მცირე სიმძლავრისაა და მისი ექსპულატაციაში გაშვება ქვეყნის ეკონომიკის განვითარებიში არსებით წვლილს ვერ შეიტანს. ადგილობრივი მოსახლეობისათვის სარგებელი, კი მშენებლობის ეტაპზე დასაქმების შესაძლებლობით შემოიფარგლება. ხოლო უარყოფითი ზემოქმედების შესახებ დოკუმენტში აღნიშნულია, რომ:    მშენებლობის ეტაპზე გაიზრდება ატმოსფერულ ჰაერში მავნე ნივთიერებათა ემისიებით, ხმაურის და ვიბრაციის გავრცელებით მოსახლეობაზე და ცხოველთა სამყაროზე ნეგატიური ზემოქმედების რისკები;    მშენებლობის ეტაპზე საგულისხმო იქნება მდ.დიდხევის ხეობის ბიოლოგიურ გარემოზე (ფლორა, ფაუნა) ზემოქმედების რისკები. ექსპულატაციის ეტაპი საყურადღებო იქნება იქთიოფაუნაზე ზემოქმედების თვალსაზრისით;    მიწის სამუშაოები და გარკვეულ ზოლში ხე-მცენარეული საფარის გასუფთავება უარყოფითად იმოქმედებს გეოლოგიური გარემოს სტაბილურობაზე;    ასევე ზემოთ ხსენებული მშენებლობა უარყოფით ზემოქმედებას მოახდენს მდ.დიდხევის ბუნებრივ ჩამონადენზე. არსებობს  მდინარის წყლის ხარისხის გაუარესების  რისკები. ანგარიშში აგრეთვე აღნიშნულია, რომ პროექტთან დაკავშირებით შედგა კომუნიკაცია მოსახლეობასთან , რაც, ჩვენი აზრით, არ ასახავს რეალობას განსაკუთრებით იწვევს ჩვენს შეშფოთებას ჰესის მშენებლობის ფარგლებში დაგეგმილი მდინარის საშუალო წლიური ხარჯის 90%-ის მილში მოქცევა, რაც აუცილებლად დაარღვევს ეკოლოგიურ წონასწორობას და დამღუპველი იქნება მოსახლეობისათვის. ეს საფრთხეს შეუქმნის სოფლის მეურნეობას, რომლის განვითარებაც ადგილობრივი მოსახლეობის ამჟამინდელი შემოსავლის ერთადერთი წყარო და სამომავლო განვითარების, ასევე, ერთადერთი შესაძლებლობაა.გვსურს მოკლედ მოგახსენოთ სოფელ ართანას ბუნებრივი პირობებიდან გამომდინარე, სოფლის პრიორიტეტები და განვითარების მიმართულებები. ართანა საფერავის ერთ-ერთ საუკეთესო ზონად მიიჩნევა, რასაც აქაური მიკროკლიმატი განაპირობებს. ამის ნათელი მაგალითია მევენახე და მეღვინე კახა ბერიშვილის “ართანული საფერავი”- ერთ-ერთი საუკეთესო ქართული ნატურალური ღვინო, რომელიც ბევრ ქვეყანაში დიდი დაფასებით სარგებლობას და თავისთავად ართანის “ბრენდს” წარმოადგენს.უკანასკნელი წლების განმავლობაში ართანაში შეიქმნა კიდევ რამოდენიმე კერძო მცირე მეურნეობა, რომელთა საერთო პრინციპია ნატურალური სოფლის პროდუქტის წარმოება. საერთო ჯამში დღეისათვის ართანაში დაახლოებით 30 ჰექტარი მიწა ყოველგვარი ქიმიკატების გარეშე მუშავდება.აღსანიშნავია რომ, ართანაში სულ უფრო მეტი ადამიანი ინტერესდება ნატურალური მეურნეობით. ეს მზარდი პერსპექტივა იმედს გვიტოვებს რომ, მომავალში შესაძლებელია ართანა ეკოლოგიურად სუფთა ზონად ჩამოყალიბდეს, რაც თავისთავად ბევრი სიკეთის მომტანი იქნება. ადგილობრივი ფლორის და ფაუნის მრავალფეროვნება სრულად იძლევა ამ მიდამოების ნაკრძალად გადაქცევის საშუალებას.უკვე დღეს შეიძლება ითქვას რომ, ართანა დიდი პოპულარობით სარგებლობს ეგრედწოდებული ეკოტურიზმის მოყვარულთა შორის და ღვინის ტურიზმის მარშრუტის ერთერთი უმნიშვნელოვანესი პუნქტია. უკვე რამოდენიმე წელია, აქ ჩამოდიან მოხალისეები სხვადასხვა ქვეყნიდან სამუშაოდ, ჩვენი კულტურის გასაცნობად და გამოცდილების გასაზიარებლად.ყოველივე ამის გათვალისწინებით, წლების მანძილზე გაწეული შრომის და დაგროვილი გამოცდილების შედეგად, ჩამოყალიბდა სოფლის რეალური პოტენციალის განვითარების ხედვა, რომელიც გამორიცხავს ბუნებაში უხეშ ჩარევას.მივიჩნევთ, რომ სოფლის ძირითადი პრიორიტეტი ნატურალური მეურნეობა და ეკოტურიზმი უნდა იყოს, რაც ადგილობრივი მოსახლეობისათვის არა დროებით,არამედ მუდმივ სამუშაო ადგილებს  შექმნის. ასევე საგულისხმოა რომ საუბარია კახეთის რეგიონზე, რომელიც ზოგადად ღვინის კულტურის ცენტრია საქართველოში და მისი პოპულარიზაცია სახელმწიფოს პრიორიტეტად აქვს გაცხადებული.ყოველივე აღნიშნულის საფუძველზე, გთხოვთ, გაითვალისწინოთ ჩვენი სოფლის ინტერესები და მსგავსი პროექტების განხორცილების უარყოფითი შედეგები (როგორც სხვა ქვეყნების, ისე უკვე ჩვენი ქვეყნის მასშტაბით არსებული მაგალითები) და არ დაუშვათ სოფელ ართანაში  ჰესის მშენებლობა.პატივისცემით,საქართველოს მოსახლეობა
gallery images

შეიძინოს ბორჯომის მუნიციპალიტეტმა გზაზე მოსიარულე მხვეტავი მანქანა

        კურორტი ბორჯომი რამოდენიმე წელია რაც გახვეულია მტვერში,რომელიც გროვდება მთელი ზამთრის განმავლობაში დაყრილი დაფქული ღორღისაგან.აღნიშნულის დასუფთავება ვერ ხერხდება ცოცხალი მუშა ხელის გამოყენებით და საჭიროებს სპეც მანქანას,დარწმუნებულნი ვართ რომ მთელი ბორჯომის მოსახლეობა და ბოლო წლებში ნამყოფი დამსვენებლები დაგვეთანხმებიან ზემოთ აღნიშნულის აუცილებლობაზე.პატივისცემით,ჩვენი ბორჯომისათვის
gallery images

შეწყდეს ნადირობის შესახებ კანონპროექტის განხილვა

საქართველოს პრემიერ მინისტრსბატონ გიორგი კვირიკაშვილს საქართვლოს გარემოსა და ბუნებრივირესურსების დაცვის მინისტრსბატონ გიგლა აგულაშვილს საქართველოს მონადირეთა საინიციატივო ჯგუფის მიმართვა! როგორც თქვენთვის ცნობილია, საქართველოს გარემოსა და ბუნებრივის რესურსების დაცვის სამინისტროში მიმდინარეობს ნადირობის შესახებ კანონპროექტის განხილვა. აღნიშნულმა კანონპროექტმა, საქართველოს მონადირეთა საზოგადოებაში გამოიწვია დიდი პროტესტი, რაც განპირობებულია მრავალი ფაქტორით. ამ ფაქტორებიდან უმთავრესი და ყველაზე დამაფიქრებელია ბუნებრივი რესურსების (მიწის, ტყის ფონდის, წყლის რესურსების) განაწილების და გადაცემის საკითხი.            საქართველოს მთავრობის 2014 წლის 8 მაისის #434 დადგენილებით ,,2014-2020 წწ. საქართველოს ბიომრავალფეროვნების სტრატეგიისა და მოქმედებათა გეგმის დამტკიცების შესახებ", ცალსახად არის გამოკვეთილი  ნადირობის, მონადირეების, სანადირო რესურსების, მდგრადი მოპოვებისა და გამრავლების საკითხები.ამასთან ერთად, იმავე დოკუმენტში მკაფიოდ არის განსაზღვრული სხვა ბუნებრივი რესურსების მართვის ასპექტები, მათ შორის: მიწა, სასოფლო სამეურნეო (მთისა და ბარის) საძოვრები, ტყისა და წყლის რესურსები, რომელიც წინააღმდეგობაში მოდის წარმოდგენილ კანონპროექტთან. სტრატეგიაში მკაფიოდ არის მითითებული, რომ „ჩამოსაყალიბებელია სათემო და/ან სატროფეო ნადირობის კონცეფციები და მდგრადი ნადირობის სტრატეგია ... „დაინტერესებული მხარეების მონაწილეობით და საუკეთესო საერთაშორისო პრაქტიკის გამოყენებით უნდა ჩამოყალიბდეს მდგრადი ნადირობის ეროვნული სტრატეგია, ხოლო, შემდეგი ნაბიჯი არის ნადირობის შესახებ კანონის ინიცირება.მნიშვნელოვანია აღინიშნოს, რომ დღეისათვის წარმოდგენილი კანონპროექტი წინ უსწრებს და შესაბამისად ეწინააღმდეგება საქართველოს მთავრობის 2014 წლის 8 მაისის #434 დადგენილებით განსაზღვრულ გეგმას. კერძოდ, იმის გათვალისწინებით, რომ საქართველოში ჯერ არ არის მოწესრიგებული სამონადირეო სივრცე, შემოთავაზებული კანონპროექტი ახდენს ისეთი ცნებების ინიცირებას, როგორებიცაა: სანადირო ტერიტორია და სანადირო ტერიტორიის მმართველი. ამასთან, არ არის დაკონკრეტებული სანადირო ტერიტორიების განსაზღვრის და ამ ტერიტორიებზე ბუნებრივი რესურსების მდგრადი მართვის მკაფიო პრინციპები.    ჩვენ მიგვაჩნია, რომ ამ კანონპროექტის შესაბამისად, დღეს, საუბარი სანადირო ტერიტორიების შესახებ, სანადირო მმართველების დანიშვნაზე, ფედერაციის შექმნასა თუ სხვა მსგავს საკითხებზე წარმოადგენს არასწორი მენეჯმენტის წარმოქმნის წინაპირობას.ამასთან, საქართველოში დღეისათვის მოქმედი ნადირობის შესახებ საკანონმდებლო ბაზის პირობებში საქართველოს მონადირეებს (საქართველოში დღეისათვის ირიცხება დაახლოვებით 40 000 მონადირე, რომლებიც ნადირობენ კანონის დაცვით და წარმოადგენენ სხვადასხვა პროფესიის, სრულწლოვან, ჩამოყალიბებულ ამომრჩეველს) უწევთ კანონიერ ნადირობასა და „ბრაკონიერებას“ შორის არსებულ ძალიან ვიწრო ზღვარზე გავლა, რათა არ დაარღვიონ კანონი და ინადირონ პატიოსნად, კანონმდებლობით დაშვებულ ფარგლებში. გარწმუნებთ, რომ ნადირობის შესახებ აღნიშნული კანონპროექტის ამ რედაქციით მიღება საქართველოს მონადირეების 80%-ზე მეტს ავტომატურად და უნებლიედ გადააქცევს „ბრაკონიერად“, რაც საზოგადოებაში სოციალური და სხვა ტიპის დაპირისპირების საფრთხეებს წარმოშობს.ცალსახად გვინდა აღვნიშნოთ, რომ საქართველოს მონადირეთა საზოგადოება დაინტერესებულია სანადირო და ზოგადად, ბუნებრივი რესურსების მდგრადი განვითარების კანონმდებლობის შემდგომი დახვეწით. საზოგადოება დაინტერესებულია მოხდეს სფეროს სრული რეგულაცია, განისაზღვროს მონადირის სტატუსი, ნადირობისთვის დასაშვები იარაღები თუ სხვა კონკრეტული საკითხები.ყოველივე ზემოაღნიშნულის გათვალისწინებით, ჩვენი მოთხოვნაა :1.      შეჩერდეს გარემოსა და ბუნებრივის რესურსების  დაცვის სამინისტროს მიერ ინიცირებული კანონპროექტის განხილვა;2.      განისაზღვროს ბუნებრივი რესურსების მდგრადი მართვის ერთიანი სტრატეგია ყველა ასპექტის გათვალისწინებით (სოციალური, ეკონომიკური, პოლიტიკური, ეროვნულ-ტრადიციული და სხვ.);3.      ნადირობის შესახებ კანონპროექტის შემუშავება მოხდეს საქართველოს მთავრობის 2014 წლის 8 მაისის #434 დადგენილების შესაბამისად (,,2014-2020 წწ. საქართველოს ბიომრავალფეროვნების სტრატეგიისა და მოქმედებათა გეგმა“);4.      ზემოაღნიშნული სტრატეგიის შესაბამისად და საუკეთესო საერთაშორისო პრაქტიკის გამოყენებით ჩამოყალიბდეს სათემო და/ან სატროფეო ნადირობის კონცეფციები და მდგრადი ნადირობის ეროვნული სტრატეგია;5.      მოთხოვნების მე-2 ; მე-3 და მე-4 პუნქტების გათვალისწინებით, თავიდან შემუშავდეს კანონპროექტი ყველა დაინტერესებული მხარის ფართო ჩართულობით და შემდგომ მოხდეს მისი განხილვა საზოგადოებაში; დანართი:   ხელმოწერებიპატივისცემით,საქართველოს მონადირეთა საინიციატივო ჯგუფიხელმოწერის შემდეგ გთხოვთ გააზიაროთ ინფორმაცია.
gallery images

გადავარჩინოთ უკანასკნელი გამწვანებული პარკი გლდანში!

ჩვენს უბანში, უკანასკნელი პარკი განადგურების საფრთხის წინაშეა (109ა კორპუსის მიმდებარედ, გლდანის IV მიკრო/რაიონში). მიმდინარეობს 32 მ სიმაღლის , 8-10 სართულიანი, საცხოვრებელი კორპუსის მშენებლობა.მშენებლობის მასშტაბებიდან გამომდინარე, დაზიანება/მოჭრა ემუქრება ხეებს და დროთა განმავლობაში, ჩვენს უბანში არსებული ისედაც მწირი დასასვენებელი და ბავშვების გასასეირნებელი ადგილი ახალი კორპუსის ავტოსადგომად და მოასფალტებულ ეზოდ გადაიქცევა.ჩვენ, ამ უბნის მაცხოვრებლები და პარტიზანი მებაღეები, ვთვლით, რომ ამის დაშვება დიდი დანაკარგი იქნება ჩვენი უბნისთვის, ჩვენი ჯანმრთელობისთვის, ჩვენი შვილებისთვის,რომლებსაც ინვესტორი ერთადერთ ახლომდებარე დასავენებელ და სავარჯიშო,სასუნთქ გარემოს ართმევს. ეს მშენებლობა ასევე საგრძნობლად გააუფასურებს გარშემო მდებარე ბინებს.საჭიროა ასობით ადამიანის მხარდაჭერა და გაერთიანება. მერიამ შუამდგომლობაზე უარი გვითხრა,ასერომ ეს ბრძოლა ჩვენი მოსაგებია!გთხოვთ,ნუ დაიზარებთ,ყველას ხელმოწერა მნიშვნელოვანია,თითოეული თქვენგანის ხმა შეიძლება გადამწყვეტი აღმოჩნდეს! ერთად დავდგეთ და გადავარჩინოთ ჩვენი ათწლოვანი ფიჭვები! გადავარჩინოთ მომავალი დღეს,რომ ისუნთქონ ჩვენმა შვილებმა ხვალ!
gallery images

მკაცრად გაკონტროლდეს არაკანონიერი ნადირობა

მკაცრად გაკონტროლდეს არაკანონიერი,ულიცენზიო ნადირობის ფაქტები.დარღვევის შემთხვევაში მკაცრად დაისაჯონ დამნაშავეები.ასევე აუცილებელია რამენაირი სახით (სხვადასხვა ვარიანტებია) ამ საკითხთან დაკავშირებით სკოლებშიც ასწავლიდნენ თუ რა საზარელი შედეგები შეიძლება მოყვეს მსგავს ფაქტებს.