add one
gallery images

არა დისკრიმინაციას! ყველა ადამიანი თანასწორია! გადადგეს გამყრელიძე!

საქართველოს პრემიერ მინისტრს, საკოორდინაციო საბჭოს თავმჯდომარეს ბატონ ირაკლი ღარიბაშვილს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს ქალბატონ ეკატერინე ტიკარაძეს   არასამთავრობო ორგანიზაციების ერთობლივი მიმართვა   ბატონო ირაკლი, ქალბატონო ეკატერინე,   საქართველოს კონსტიტუციის მე-11 მუხლის 1 პუნქტის და გაეროს ადამიანის უფლებათა საყოველთაო დეკლარაციის მე-2 მუხლის თანახმად - დაცულია თითოეული ადამიანის უფლებები და თავისუფლებები და აკრძალულია ამა თუ იმ ნიშნით (პოლიტიკური, რასისტული, რელიგიური, სოციალური თუ სხვა ნიშნით) ადამიანის დისკრიმინაცია და ადამიანის ამა თუ იმ უფლების შეზღუდვა! 2021 წლის 228 აპრილს NCDC ხელმძღვანელმა ამირან გამყრელიძემ გააკეთა განცხადება, რომ მომავალ კვირას საკოორდინაციო საბჭოზე შემოვა ინიციატივით და მოხდება განხილვა, რომ იმ მოქალაქეებს, ვისაც ექნება გაკეთებული ვაქცინის 2 დოზა - მათთვის შემსუბუქდება შეზღუდვები და იგივე კომენდანტის საათი მათთვის მოიხსნება. ეს არის დისკრიმინაცია და დაუშვებელია მოქალაქეთა გარჩევა აქვს თუ არა მას გაკეთებული ვაქცინა და შემდეგ კი, შეზღუდვების მოხსნა გარკვეული კატეგორიის მოქალაქეთათვის! ჩვენ, ქვემოთ ხელმომწერი არასამთავრობო ორგანიზაციები მოგიწოდებთ: დაუყოვნებლივ მოიხადოს საჯარო ბოდიში ამირან გამყრელიძემ ამ დისკრიმინაციული განცხადების გამო; დაუყოვნებლივ დატოვოს ამირან გამყრელიძემ დაკავებული თანამდებობა (NCDC ხელმძღვანელი); დაუყოვნებლივ მოხდეს მისი გარიცხვა საკოორდინაციო საბჭოდან! ჩვენთვის მიუღებელია ადამიანის ფუნდამენტური უფლებების დარღვევა, დისკრიმინაცია და მოქალაქეთა დაყოფა ამა თუ იმ კატეგორიებად! იმისათვის, რომ არ მოხდეს ასეთი დისკრიმინაცია მოქალაქეების და არ გაგრძელდეს შეზღუდვები, მოგიწოდებთ აწარმოეთ პირდაპირი მოლაპარაკება WHO-ს მიერ ავტორიზებულ და მაღალი ხარისხის ვაქცინის pFizer-ის მწარმოებელთან პირდაპირი მოლაპარაკებები და დროულად ჩამოიტანეთ საკმარისი დოზა, რითიც აიცრება მოსახლეობა უშიშრად და სწრაფი ტემპებით. ყველა ადამიანი თანასწორია! არა დისკრიმინაციას! დაუყოვნებლივ გადადგეს ამირან გამყრელიძე! პატივისცემით,   „ახალგაზრდა თაობა“ /__________________________/ /დ.დონერიანი/ „მონიტორინგის ცენტრი - საზოგადოება“ /__________________________/ /ე.კერესელიძე/ „ახალი ძალა საქართველოსთვის“ /__________________________/ /ლ.შველიძე/ "თავისუფალი ხმა" /__________________________/ /ნ.კურტანიძე/    29 / აპრილი / 2021 წელი
gallery images

პეტიცია ამერიკული სამხედრო ბაზების საქართველოში განთავსების შესახებ

პოლიტიკური კლუბი „თავთავი“ აფასებს რა პოლიტიკურ სიტუაციას საქართველოში  და მის გარშემო, თვლის რომ დღეის მდგომარეობით რეალური საფრთხე ემუქრება არა მარტო ქვეყნის ჩრდილოატლანტიკურ მისწრაფებას, არამედ მის რეალურ დამოუკიდებლობასაც. სულ უფრო ცხადი ხდება რუსეთის სურვილი ყველანაირი საშუალებით შეიყვანოს საქართველო ე.წ. ექვსის პლათფორმაში ( რუსეთი, თურქეთი, ირანი, სომხეთი აზერბაიჯანი) , რაც მას საშუალებას მისცემს  უკვე ქვეყნის მთელ ტერიტორიაზე განახორციელოს ეფექტური კონტროლი და სხვადასხვა მიზეზით (ერთობლივი სამხედრო წვრთნები, შეიარაღებული ძალების როტაცია სომხეთში და ა.შ.) შემოიყვანოს და გადაადგილოს თავისი საჯარისო ფორმირებები საქართველოში. საყურადღებოა  რუსეთის ფედერაციის საგარეო დაზვერვის სამსახურის დირექტორის სერგეი ნარიშკინის უკანასკნელი განცხადებაც, სადაც იგი უწონებს საქართველოს მოქმედ ხელისუფლებას დისტანცირების პოლიტიკას ნატოსა და ევროკავშირთან და არაორაზროვნად სთავაზობს რუსეთთან უფრო მჭიდრო თანამშრომლობას.  ყოველივე ზემოთ ნათქვამიდან გამომდინარე მიგვაჩნია, რომ მოცემულ სიტუაციაში ქვეყნის უსაფრთხოებისა და დამოუკიდებლობის ერთადერთი რეალური გარანტი შეიძლება გახდეს  უმოკლეს ვადაში,  აშშ-ს სამხედრო ბაზის გახსნა საქართველოში. დასაწყისისთვის თუნდაც ერთი ბრიგადის გადმოსროლა ვაზიანის ავიაბაზაზე. საქართველო, დამოუკიდებლობის აღდგენის დღიდან,  აშშ - ს ერთგული პარტნიორია კავკასიის რთულ და სტრატეგიულ რეგიონში. ამაზე მეტყველებს თუნდაც ნატოს მისიებში ყველაზე დიდი კონტრიბუცია ნატოს არაწევრ ქვეყნებს შორის, სადაც ქართველი სამხედროები ერთგულებითა და ღირსებით, მაღალ პროფესიულ დონეზე ასრულებენ თავის მოვალეობას. ბოლო  მოვლენებმა, რომელებიც ვითარდება რუსეთ-უკრაინის საზღვარზე, ცალსახად დაგვარწმუნა რომ საქრთველოს და მთლიანად რეგიონის უსაფრთხოებისა და სტაბილურობისთვის საჭიროა აშშ ს აქტიური ყოფნა და მონაწილეობა ჩვენს ქვეყანაში. ვფიქრობთ, ეს შედის ამერიკის სტრატეგიულ ინტერესებშიც. პოლიტიკური კლუბი „თავთავი“ დარწმუნებულია, რომ ახმოვანებს საქართველოს მოსახლეობის  უმრავლესობის გულწრფელ სურვილს. აღნიშნული მიმართვა ხელმოსაწერად დაეგზავნება საქართველოში მოქმედ ყველა პოლიტიკურ სუბიექტს და მთელს არასამთავრობო სექტორს.
gallery images

უფასო სასადილოებში ულუფა უნდა გასამმაგდეს!

 საქართველოში სიღარიბის მიღმა ათიათასობით ადამიანია!  მათი ყოველდღიურობა ყოველდღიურად უფრო მეტად მძიმდება იმის მაგივრად, რომ უკეთესობისკენ იცვლებოდეს!  მხოლოდ თბილისში 40.000-მდე ბენეფიციარია უფასო სასადილოებში რეგისტრირებული, რათა მერიის მიერ გამოყოფილი 1.30 ლარის დღიური ულუფა მიიღოს!  ერთ დღეში ჩვენ სიღარიბეს ვერ დავამარცხებთ, თუმცა ამ ადამიანების ყოველდღიურობის გაუმჯობესება შეგვიძლია, თუნდაც მცირედითაც!  გამოვდივარ ინიციატივით - მერიამ, საკუთარი სახსრებით ან ცენტრალური ბიუჯეტიდან, მინიმუმ გაასამმაგოს ამ ადამიანების დღიური ულუფა, რათა ოდნავ მაინც შეიცვალოს მათი ყოფა უკეთესობისკენ! ხალხის პრობლემები და ინტერესები - უნდა გახდეს პრიორიტეტი!
gallery images

არ შეეხოს ამნისტია 19-21 ივნისის დანაშაულებში მონაწილე პოლიტიკურ თანამდებობის პირებსა და საჯარო მოხელეებს.

საქართველოს პოლიტიკური კრიზისდან გამოსვლისთვის საერთაშორისო მედიატორების ძალისხმევით მიღებული დოკუმენტის თანახმად, უნდა გამოიცეს ფართო ამნისტია 19-21 ივნისის მოვლენებთან დაკავშირებით, რომელიც შეეხება აღნიშნული პერიოდის ყველა დარღვევასა და დაკავებას. მშვიდობიანი დემონსტრანტებისა და მათთვის თვალებში დამიზნებით მსროლელი და ამის ბრძანების გამცებებს შორის ტოლობის დასმა ნიშნავს-მწვანე შუქის ანთებას მშვიდობიანი დემონსტრაციის დარბევისთვისა და ანტისაოკუპაციო აქციის უდანაშაულო მონაწილეების ჯერ დამნაშვეებად შერაცხვასა და შემდეგ შეწყალებას.  აღსაღნიშნავია, რომ ''გავრილოვის ღამეს'' უამრავმმა დემონსტრანტმა და მათ შორის, მედიის თანამშრომლებმაც სიცოცხლისთვის სახიფათო არაერთი დაზიანება მიიღეს სამართალდამცავების მხრიდან განხორციელებული ძალადობრივი, დანაშაულებრივი ქმედებების-გამო.  სწორედ ამიტომ, მოვუწოდებთ ქართულ პოლიტიკურ სპექტრს, მოლაპარაკებებში მონაწილე მხარეებსა და ჩვენს საერთაშორისო პარტნიორებს ამოიღონ შეთანხმებიდან აღნიშნული პუნქტი. 
gallery images

საქართველო ცალმხრივად შეუერთდეს ჩრდილოატლანტიკური ხელშეკრულების ორგანიზაცია (ნატო)-ს

საქართველო ცალმხრივად შეუერთდეს ჩრდილოატლანტიკური ხელშეკრულების ორგანიზაცია (ნატოს)-ს.   რადგან: ნატოში გაწევრიანების პლებისციტს მხარი დაუჭირა გამოკითხულთა 77%; საქართველო მიისწრაფვის და ახდენს პოლიტიკურ და სამხედრო სტანდარტიზაცია/ადაპტაციას ალიანსის სრული თავსებადობისთვის; დღესდღეობით საქართველოს ნაწილი, ტერიტორიის 21% ოკუპირებულია და სამწუხაროდ ოკუპაციის პროცესი, აგრეთვე  ოკუპაციის საფრთხე გაზრდილია; საქართველო ზემოხსენებული კეთილი ნებით და ამ უპრეცედენტო ნაბიჯით დიდწილად დააჩქარებს საკუთარ გაწევრიანებას ალიანსში.   2021 წლის 16 აპრილი
gallery images

არა პოლიტიკურ და-ЗАМОК-ებას!

საკოორდინაციო საბჭოს თავმჯდომარეს, საქართველოს პრემიერ მინისტრს ბატონ ირაკლი ღარიბაშვილს  არასამთავრობო ორგანიზაციების ერთობლივი მ    ი    მ    ა     რ    თ   ვ    ა ბატონო პრემიერ მინისტრო, 2021 წლის 9 აპრილის საკოორდინაციო საბჭოს გადაწყვეტილებით, საქართველოს მთელ ტერიტორიაზე 2021 წლის 4-დან 11 მაისის ჩათვლით გამოცხადდა უქმე დღეები. ჩვენ გვახსოვს ჯანდაცვის მინისტრის ეკატერინე ტიკარაძის განცხადება, რომ აღდგომამდე 1 კვირით ადრე გადაწყდება ამა თუ იმ შეზღუდვის დაწესების მიზნობრიობა (https://www.interpressnews.ge/ka/article/649893-jandacvis-ministris-gancxadebit-agdgomis-dgesascaulamde-erti-kvirit-adre-gaxdeba-cnobili-dacesdeba-tu-ara-raime-shezgudva/). ასევე ცნობილია, რომ ძალაში რჩება კომენდანტის საათი (ანტიკონსტიტუციური) - 21:00-05:00 შეზღუდულია გადაადგილება. 2021 წელს აღდგომა აღინიშნება 2 მაისს, ანუ - ე.წ. "უქმე დღეებამდე" დასვენების დღეებია 30 აპრილიდან 3 მაისის ჩათვლით, ასევე დასვენების დღეა 12 მაისი. ცნობილია, რომ 15 მაისს დაგეგმილია ოპოზიციის აქცია. რათქმა უნდა ლოგიკურად იკითხება ხელისუფლების განზრახვა - შექმნას დამატებითი შეზღუდვები - ანუ პოლიტიკური LOCKDOWN დააწესოს ქვეყანაში. სწორედ ამიტომ, "არა პოლიტიკურ და-ЗАМОК-ებას!" რატომ "და-ЗАМОК-ება"? - იმიტომ, რომ საქართველოს ხელისუფლება არის სიანმდვილეში რუსულ პოლიტიკურ ორბიტაზე და ატარებს რუსეთის არგაღიზიანების პოლიტიკას! აღნიშნულზე მეტყველეს არაერთი ფაქტი - პოზნერის ვიზიტი და შეზღუდვების მოხსნა რუსი სტუმრებისათვის, ქეიფი და დაბადების დღის სუფრა, გავრილოვის ვიზიტი, ოკუპირებული აფხაზეთის ტერიტორიაზე მცხოვრები საქართველოს სრულფასოვანი მოქალაქეებისათვის დისკრიმინაციული 5-დღიანი კარანტინი და ა.შ. ჩვენ გვახსოვს საქართველოს მთავრობის და პარლამენტის წევრების (ანუ მმართველი პარტიის, ქართული ოცნების) არაერთი განცხადება - შეკრება, მანიფესტაცია, აქცია - ხელს უწყობს ვირუსის გავრცელებას. საპირისპირო ვითარება ვიხილეთ 9 აპრილს უცნობის, იგივე გია გაჩეჩილაძის აქციაზე - თუმცა არც ერთ ჯანდაცვის მუშაკს (იმნაძე, გამყრელიძე) არ გამოუთქვავს პროტესტი! ჩვენ, ქვემოთ ხელმომწერი არასამთავრობო ორგანიზაციაბი ვაცხადებთ, რომ: მთავრობის განცხადებებში იკითხება პოლიტიკური LOCKDOWN-ის გამოცხადების შინაარსი; კომენდანტის საათი - არის ანტიკონსტიტუციური და ის ასევე არის პოლიტიკური შინაარსის მატარებელი. ქვეყანაში ჩამონგრეული ეკონომიკური ვითარებიდან გამომდინარე, ქვემოთ ხელმომწერი ორგანიზაციები და ასევე თავისუფალი და საჯარო მანიფესტის ხელმომწერი მოქალაქეები მოგიწოდებთ: პოლიტიკური შინაარსით არ დააწესოთ არანაირი შეზღუდვა; გააუქმეთ ანტიკონსტიტუციური კომენდანტის საათი; #322 დადგენილებაში შეიტანეთ ცვლილება და გააუქმეთ ოკუპირებული ტერიტორიებიდან გადმოსული საქართველოს სრულფასოვანი მოქალაქეებისათვის სავალდებულო 5-დღიანი დისკრიმინაციული კარანტინი; დროულად აწარმოეთ პირდაპირი მოლაპარაკება WHO-ს მიერ აღიარებული pFizer-ის ვაქცინა. ჩვენ გვესმის უკვე საერთაშორისო საზოგადოების მესიჯები გადაადგილების უკანონო შეზღუდვებზე, ადამიანის უფლებების ფუნდამენტურ შეზღუდვაზე. ზემოთხსენებული პუნქტების არ შესრულებით, მოქალაქეთა კონსტიტუციით გარანტირებული უფლებების დარღვევით და მაღალი ხარისხის ვაქცინის არ შემოტანით (შემდგომ კი განცხადებები - ხალხი არ იკეთებს ვაქცინას) გამოვლინდება მხოლოდ ერთი - მმართველი პარტიის პოლიტიკური ინტერესი და შინაარსი - რამეთუ ახლოვდება ადგილობრივი თვითმმართველობის არჩევნები, და მმართველი პარტია ემზადება უკვე წინასაარჩევნო კამპანიის დასაწყებად და ნუ შეუზღუდავთ პოლიტიკურ პარტიებს კამპანიის ჩატარებაში. არა პოლიტიკურ და-ЗАМОК-ებას! ნუ კლავთ გაჭირვებაში ქვეყნის მოსახლეობას! ნუ გახსენდებათ მოქალაქეები მხოლოდ წინასაარჩევნოდ! გახსენით ეკონომიკა! გახსენით ტურიზმი! მოხსენით უკანონო კომენდანტის საათი! არა პოლიტიკურ და-ЗАМОК-ებას!   „ახალგაზრდა თაობა“     /დ.დონერიანი/ „მონიტორინგის ცენტრი - საზოგადოება“     /ე.კერესელიძე/ „ახალი ძალა საქართველოსთვის“     /ლ.შველიძე/    10/აპრილი/2021 წელი
gallery images

ვადამდელი არჩევნები

არჩევნები დაინიშნოს 2022 აპრილში ან ოქტომბერში! მანამდე ჩატარდეს  ხალხის გამოკითხვა!
gallery images

საქართველოს მხარდაჭერა ალიონა თანის!!!

ოკუპირებული აფხაზეთის ე.წ პროკურატურამ გამოძიება დაიწყო გოგოზე, რომელმაც Instagram-ზე დაწერა – “აფხაზეთი საქართველოა”. დე ფაქტო შინაგან საქმეთა სამინისტრომ გამოძიება 27 მარტს სოც. ქსელში გამოქვეყნებულ ვიდეოზე და მასში ასახული ყველა პირის მიმართ დაიწყო. ე.წ. სამართალდამცავ ორგანოებში დაფიქსირებული მრავალი უკმაყოფილო მესიჯების შემდეგ, გავრცელებული ვიდეოს ავტორის, 2001 წელს დაბადებული ალიონა თანის მშობლები დაიკითხნენ. თავად ალიონა თანის კი ვიდეორგოლის გავრცელებისთვის ოკუპირებული აფხაზეთის ე.წ. სამართალდამცავ ორგანოში საზოგადოებისთვის ბოდიში მოახდევინეს. ჩვენ, ხელის მომწერებს გვსურს, დავაფიქსიროთ მის მიმართ მხარდაჭერა და მოვუწოდოთ ეგრეთწოდებულ დეფაქტო სამართალდამცველებს შეწყვინოთ ზეწოლა ალიონას და მის ოჯახზე.  
gallery images

მიმართვა მედიაციის პროცესში ჩართულ პოლიტიკოსებს

ქალბატონებო და ბატონებო,ყურადღებით ვაკვირდებით ბოლო თვეებში ქვეყანაში თქვენი მონაწილეობით მიმდინარე პოლიტიკურ პროცესებს. ყველასთვის ნათელია, რომ კრიზისი უფრო და უფრო ღრმავდება. მედიაციის პირველი რაუნდის უშედეგოდ დასრულებამ საქართველოს ბევრ მოქალაქეს იმედი გაუცრუა. მათ სურთ, იხილონ ქვეყნის განვითარებაზე მომუშავე პარტიები, თუმცა, ამის საპირისპიროდ, მხოლოდ პოლარიზაციის გაღრმავებაზე ორიენტირებულ ქმედებებს იღებენ. სამწუხაროდ, პოლიტიკური დისკუსია  დაცლილია საზოგადოების უმთავრესი წუხილებისა და ყოველდღიურ პრობლემებზე ზრუნვისგან. საქართველოსკენ მომართულია საერთაშორისო ყურადღება, რაც ჩვენი ქვეყნის სტრატეგიულ მნიშვნელობაზე მიუთითებს. ქვეყნის მთავარი პარტნიორები, ევროკავშირისა და აშშ-ს სახით, არსებული კრიზისიდან გამოსავლის პოვნისთვის ძალისხმევას არ ზოგავენ. ამავდროულად ნათელია, რომ პრობლემის გასაღები ხელში თქვენ, ქართველ პოლიტიკოსებს, გიჭირავთ. სამწუხაროდ, გვრჩება შთაბეჭდილება, რომ კრიზისის განმუხტვა არ წარმოადგენს მოლაპარაკებებში ჩართული მხარეების უმთავრეს პრიორიტეტს. ნაცვლად კომპრომისული გადაწყვეტილებების ძებნისა, მხარეები წითელ ხაზებს აწესებენ, რაც აჩენს განცდას, რომ შეთანხმების მოტივაცია არ არსებობს. ქვეყანა სოციალური, ეკონომიკური, საგარეო პოლიტიკის მიმართულებით მნიშვნელოვანი გამოწვევების წინაშე დგას და მათზე პასუხის გასაცემად საჭიროა სიცოცხლისუნარიანი, დამოუკიდებელი და ეფექტიანი ინსტიტუტები. პოლიტიკური კრიზისი, მართალია, საფრთხეს უქმნის ქვეყნის სტაბილურობასა და დემოკრატიულ განვითარებას, მაგრამ ამავდროულად, ჩვენ ღრმად გვწამს, რომ ის გულისხმობს შესაძლებლობასაც, მკაფიოდ დავინახოთ მისი გამომწვევი მიზეზები და დავიწყოთ მუშაობა მათი აღმოფხვრისთვის. ჩვენთვის, ნათელია, რომ ამ მდგომარეობამდე ქვეყანა არსებულმა მმართველობითმა სისტემამ მოიყვანა, რომელიც 30 წელია ყველა მმართველ გუნდს ფაქტობრივად უკონტროლო და დაუბალანსებელ ძალაუფლებას ანიჭებს. თამაშის ერთადერთი წესი - გამარჯვებულს მიაქვს ყველაფერი, ყოვლისშემძლე უმრავლესობას ოპოზიციის უგულვებელყოფის შესაძლებლობას აძლევს. არჩევნებში დამარცხებული პარტია საკუთარი ელექტორალური მხარდაჭერის პროპორციულ გავლენას ვერ ახდენს პოლიტიკურ პროცესებზე. სისტემა ძალაუფლების განაწილების პრინციპში ამომრჩევლის დიდ ნაწილს არ ითვალისწინებს. ეს ნულოვანი ჯამის თამაშია და ეს უნდა შეიცვალოს. ამაზე მუშაობის დასაწყებად კი ახლა საუკეთესო დროა. გვსურს შემოგთავაზოთ არსებული პოლიტიკური ვითარებიდან გამოსავლის ჩვენეული ხედვა, რომელიც ეყრდნობა ევროპული საბჭოს პრეზიდენტის, შარლ მიშელის 6 პუნქტიან ჩარჩო დოკუმენტს. ჩვენ, ღრმად გვწამს, რომ ეს შემოთავაზებები გადაჭრის არსებულ კრიზისს მოკლევადიან პერსპექტივაში და ასევე სამომავლოდ გააჯანსაღებს, კონსენსუსზე ორიენტირებულს გახდის პოლიტიკურ სისტემას:როგორც საპარლამენტო, ისე ადგილობრივი თვითმმართველობის არჩევნები უნდა ჩატარდეს პროპორციული სისტემით, ბუნებრივთან მიახლოებულ ბარიერთან. საარჩევნო ადმინისტრაციის ფორმირებისა და მის მიერ გადაწყვეტილების მიღების წესი უნდა შეიცვალოს იმგვარად, რომ მან უზრუნველყოს პოლიტიკური პარტიების სამართლიანი მონაწილეობა და ჩართულობა, ასევე საზოგადოების მაღალი ნდობა;პირველი და მეორე ინსტანციის მოსამართლეთა დანიშვნის, ისევე როგორ უზენაესი სასამართლოს მოსამართლეთა პარლამენტში წარდგენის შესახებ გადაწყვეტილებისთვის იუსტიციის უმაღლესი საბჭოში საჭირო უნდა იყოს ე.წ. ორმაგი 2/3 (ერთდროულად მოსამართლე წევრთა 2/3 და არამოსამართლე წევრთა 2/3), თავის მხრივ იუსტიციის უმაღლესი საბჭოს არამოსამართლე წევრები პარლამენტში ორმხრივი, ხელისუფლებისა და ოპოზიციის მხარდაჭერით უნდა დაინიშნონ (ე.წ. ბილატერალური მხარდაჭერა);ბილატერალური მხარდაჭერითვე უნდა დაინიშნონ ცენტრალური საარჩევნო კომისიის წევრები; უზენაესი სასამართლოს მოსამართლეები, გენერალური აუდიტორი და გენერალური პროკურორი. ეს თანამდებობის პირები, ისევე როგორც მოსამართლეები, უნდა დაექვემდებარონ განახლებული პროცედურით გადანიშვნის წესს 2021 წლის განმავლობაში; უმრავლესობამ უნდა გამონახოს სამართლებრივი გზები ოპოზიციისთვის პრინციპული მნიშვნელობის მქონე სისხლისსამართლებრივი საქმეების ფიგურანტი პირების სასჯელაღსრულების დაწესებულებებიდან გასათავისუფლებლად და მათი საქმეების დროებით შესაჩერებლად. საბოლოო გადაწყვეტილება მათზე ზემოაღნიშნული პუნქტების შესაბამისად რეფორმირებულმა მართლმსაჯულების სისტემამ უნდა მიიღოს;  პარლამენტის სპიკერატში ოპოზიცია და უმრავლესობა თანაბარი რაოდენობით უნდა იყვნენ წარმოდგენილნი; პირველი ვიცესპიკერი უნდა იყოს ოპოზიციის წარმომადგენელი; კომიტეტის თავმჯდომარეთა თანამდებობები, მათ შორის წამყვანი კომიტეტების, ოპოზიციასა და უმრავლესობას იმ პროპორციით გადაუნაწილდეს, როგორიც მათი საპარლამენტო წარმომადგენლობაა;საქართველოს მოსახლეობისა და საერთაშორისო პარტნიორების წინაშე ხელისუფლების მიერ ზემოაღნიშნული ვალდებულებების აღების შემდეგ, ოპოზიციამ უნდა აითვისოს 2020 წლის საპარლამენტო არჩევნებში მოპოვებული მანდატები, ჩაერთოს ინსტიტუციონალიზებულ პოლიტიკაში და მონაწილეობა მიიღოს ზემოაღნიშნული რეფორმების როგორც შემუშავებაში, ისე იმპლემენტაციაში.ეს ნაბიჯები უნდა გახდეს საქართველოს საერთაშორისო მისწრაფებების ხორცშესხმის აუცილებელი წინაპირობა და ისინი უნდა გადაიდგას 2021 წლის საგაზაფხულო სესიაზე. გვჯერა, რომ ხელისუფლების განაწილება, მმართველობის დაბალანსებული სისტემა და დემოკრატიული რეფორმები არის ყველაფრის საპირწონე და ქვეყნისთვის ევროატლანტიკურ სტრუქტურებში გაწევრიანების ერთადერთი გზა.  ამ რეფორმებზე მუშაობის პროცესი უნდა იყოს მაქსიმალურად ინკლუზიური, დაექვემდებაროს ადგილობრივი და საერთაშორისო ორგანიზაციების ზედამხედველობას. მიგვაჩნია, რომ მხოლოდ ასეთი, ურთიერთანამშრომლობაზე დაფუძნებული მოდელი მოგვცემს შესაძლებლობას, პირველადი, თუმცა მყარი საფუძველი, შევქმნათ დემოკრატიული, ადამიანის ღირსებაზე, თავისუფლებასა და თანასწორობაზე დაფუძნებული სახელმწიფოს მშენებლობისთვის. მზად ვართ, მნიშვნელოვანი როლი ვითამაშოთ ამ პროცესში, მათ შორის მხარეებთან რეფორმების კონკრეტულ მიმართულებებთან დაკავშირებით კონსულტაციების კუთხით. ამგვარად, მხარეებს მოგიწოდებთ, რომ გამოიყენოთ მედიაციის მეორე რაუნდით მონიჭებული შესაძლებლობა და ზემოაღნიშნული პუნქტების გათვალისწინებით მიაღწიოთ შეთანხმებას, რათა ქვეყანა დაუბრუნდეს ნორმალურ რიტმს, სადაც სხვადასხვა პოლიტიკური პოზიციიდან, თუმცა ერთობლივად იმუშავებთ, საერთო მიზნის, ქვეყნის განვითარებისთვის.  ხელმოწერა: მიმართვა ღიაა ნებისმიერი ორგანიზაციისა და ფიზიკური პირის ხელმოწერისთვის. ორგანიზაციებმა სახელის გრაფაში ჩაწერეთ ორგანიზაციის დასახელება, ხოლო გვარის გრაფაში სიტყვა "ორგანიზაცია".მიმართვის ავტორები არიან: საქართველოს ახალგაზრდა იურისტთა ასოციაცია (GYLA); საერთაშორისო გამჭვირვალობა - საქართველო (TI Georgia); ადამიანის უფლებების სწავლებისა და მონიტორინგის ცენტრი (EMC); სამართლიანი არჩევნებისა და დემოკრატიის საერთაშორისო საზოგადოება (ISFED); ლიბერალური აკადემია თბილისი. Letter to politicians involved in the mediation process Dear Sirs and Madams,We have closely followed and observed the political developments of the last few months that you have been part of in Georgia. It is clear for everyone that the crisis is getting deeper and deeper by the day. The failure of the first round of mediation has left many citizens in low spirits. Georgians want to see political parties focused on the furthering of the country’s development, however all they get is more and more actions aimed at deepening the political polarization. To our greatest regret, political discussions are depleted from the most meaningful and important topics that are of interest and concern to the Georgian public. Georgia is under international spotlight, which is indicative of its strategic importance. The country’s main partners, the EU and the United States, are sparing no effort to find a solution to overcoming the crisis. At the same time it is clear that the key to resolving this problem is in the hands of Georgian politicians. We are unfortunately under the impression that the parties involved in the negotiations are not prioritizing looking for the solution out of the crisis. Instead of trying to find a compromise, the parties are instead imposing red lines. This approach suggests that there is no motivation to reach an agreement. The country stands before major social, economic and foreign policy challenges. Independent and effective institutions are the prerequisite to overcoming these challenges. The ongoing political crisis poses significant risks to the stability and democratic development of the country. Nevertheless, we strongly believe that with every crisis comes opportunity: we should use it to identify and resolve the underlying causes. It is clear to us that the country was brought to this state by the current system of government, which has endowed all previous ruling parties over the last 30 years with uncontrolled and unbalanced powers. A winner takes all rule allows the all-powerful majority to disregard and neglect the voice of the opposition. A party that has suffered defeat in the elections is unable to have an impact on the political processes that would be proportionally reflective of its electoral support. The system doesn’t take into account a large number of voters in the distribution of powers. This is a zero-sum game and it needs to change. Now is the perfect time to start working on this. We would like to propose our vision of overcoming the current political crisis, which is based on the President of the European Council Charles Michel’s 6-point framework document. We strongly believe that these recommendations will resolve the crisis in the short run and ensure that the political system is healthier and conducive to consensus in the future. Both the Parliamentary and the local government elections must be held through a proportional system with a near-natural threshold. The rules for the formation of the electoral administration and adoption of decisions by it must change in a way that ensures fair participation and inclusion of political parties, as well as a high degree of trust among the public;Decisions concerning the appointment of first- and second-instance judges, as well as the nomination of Supreme Court judges for parliamentary approval, must require the so-called double two-thirds vote (two-thirds of both the judge and the non-judge members) in the High Council of Justice, while the Parliament must appoint the non-judge members of the High Council of Justice through bipartisan support from the ruling party and the opposition (the so-called bilateral support);Members of the Central Electoral Commission, Supreme Court judges, the General Auditor, and the General Prosecutor must also be appointed through bilateral support. Like judges, these officials must be reappointed through the new procedure in 2021;The parliamentary majority must find ways for the release from penitentiary institutions of the defendants in the criminal cases which the opposition considers particularly important and temporary suspension of those cases. A justice system reformed according to the above principles must produce final rulings on them;The positions of the speaker and the deputy speakers should be divided equally between the opposition and majority; the First Vice-Speaker should be a member of the opposition; the Parliamentary chairperson positions, including that of lead committees, should be divided among the opposition and majority in a proportional manner, which would reflect the number of their parliamentary seats;Upon making the aforementioned commitments to the Georgian people and international partners, the opposition should take up the mandates obtained during the 2020 Parliamentary elections, engage in institutionalized politics and participate in both the development and implementation of the aforementioned reforms.These steps must become a prerequisite for the realization of Georgia’s international aspirations. They must be taken at the spring 2021 session. We believe that division of power, a balanced system of government, and democratic reforms are a universal safeguard and the sole path to the country’s integration with the Euro-Atlantic structures. The process of working on these reforms must be as inclusive as possible and subject to oversight by local and international organizations. We believe that only this kind of a model, which is based on cooperation, will make it possible for us to lay the foundation for a democratic state built upon the principles of human dignity, freedom, and equality. We are prepared to play a significant role in this process, inter alia, by holding consultations with the sides on specific areas of reform.We therefore urge the sides to take advantage of the opportunity which the second round of mediation provides and to reach an agreement according to the above points, so that the country can return to normal life where you will work together from different political positions to attain the common goal of the country’s development.Signatures: Any organization or individual is welcome to sign the address The address was prepared by the Georgian Young Lawyers Association (GYLA); Transparency International Georgia (TI Georgia); Human Rights Education and Monitoring Centre (EMC); International Society for Fair Elections and Democracy (ISFED); Liberal Academy Tbilisi.
gallery images

მოითხოვე ვადამდელი არჩევნები

ვიწყებს კამპანიას - მოითხოვე ვადამდელი არჩევნები - #თავისუფლებისთვის #შენიმომავლისთვის.როდესაც „ქართულ ოცნებას“ არ ესმის ხალხის ხმა და საზოგადოების სამართლიანი მოთხოვნები, ჩვენი, თითოეული მოქალაქის ვალია, ეს ხმა გავაგონოთ. პოლიტიკური კრიზისის დასასრულებლად, ქვეყნის გადასატვირთად ერთადერთი გზა არის ვადამდელი არჩევნები; ეს არის ჩვენი საზოგადოების დაკვეთა. ამოამრჩეველთა მინიმუმ ნახევარზე მეტმა, ხმა მისცა ცვლილებებს და მათი ხმა „ქართულმა ოცნებამ“ მოიპარა, გააყალბა და არაფრად ჩააგდო. ვადამდელ არჩევნებზე გადის ქვეყნის განვითარების, ჩვენი ევროპული არჩევანის, ჩვენი თავისუფლებისა და მომავლისათვის ბრძოლის გზა.კამპანია მიზნად ისახავს, ხელისუფლებას აჩვენოს ქართველი ხალხის ნება, დღევანდელ მმართველებს დაანახოს იმ ადამიანების მოთხოვნა, ვინც დემოკრატიულ სახელმწიფოში ხელისუფლების წყაროა. ამ კამპანიის ფარგლებში ვაპირებთ მუშაობას მთელი საქართველოს მასშტაბით - თბილისში, ბათუმში, ზუგდიდში, ქუთაისში, თელავში ჩვენი ქვეყნის პატარა თუ დიდ ქალაქებში, სოფლებში... ჩვენ მივალთ თითოეულ ადამიანამდე და მათ ხმას, სამართლიან მოთხოვნებს გავაგონებთ ყველას. ჩვენ შევაგროვებთ საქართველოს მოქალაქეების ხელმოწერებს, რათა მათი ნება დეკლარირებული და ყველასათვის გასაგები იყოს. პირადი შეხვედრების გარდა, online პლატფორმის, ინტერნეტისა და სოციალური ქსელების მეშვეობით მოხდება ჩვენი მოქალაქეების ხელმოწერების შეგროვება. ჩვენი კარი ღიაა ყველა აქტივისტისთვის, არასამთავრობო სექტორისა და პოლიტიკური პარტიებისთვის. შემოგვიერთდით! ✌
gallery images

პეტიცია, რომ აქციების დროს არ იყოს საჯარო გამოსვლები

მოგესალმებათ შეწუხებული მოქალაქე.მოგეხსენებათ ბოლო 3 წლის მანძილზე საქართველოში რამდენიმე ძალიან მნიშვნელოვანი აქცია ჩატარდა. ძალიან მიხაროდა, როდესაც ამ აქციების ნაწილი ვიყავი, თუმცა საჯარო გამოსვლები, რომლებიც რესტორანში სუფრაზე ნათქვამ სადღეგრძელოებს გავს, ძალიან უადგილოდ და არაკომფორტულად მეჩვენებოდა. ყველამ ისედაც ვიცით გამომსვლელების პოზიცია და რა საჭიროა მიკროფონში კივილი და უკულტურობა? ჩემი აზრით, კარგი იქნებოდა, რომ მსგავს აქციებზე არ ყოფილიყო საჯარო გამოსვლები. თქვენ რას იტყვით?
gallery images

ეთხოვოს აშშ მთავრობას მოავლინოს საქართველოს მთავრობასთან შეთანხმებით წარმომადგენელი/ები, რათა ყველა სამინისტროში (და საკვანძო რგოლში) დაიკავონ მინისტრის მოადგილის პოზიცია და სრულფასოვანი კურირება გაუწიონ-რეფორმების მიმართულებას.

მოცემულობა    საქართველოს განვითარება და დასავლეთის განვითარებულ პოლიტიკურ და ღირებულებით ერთობაში ინტეგრაცია დამოუკიდებლობის მოპოვებიდან დღემდე სამი ათეული წელია მიმდინარეობს.     ამ მიზნის და ამოცანის მისაღწევად  წლებია ხორციელდება რეფორმები უპირატესად აშშ და ევროკავშირის ქვეყნების ინტელექტუალური, ინოვაციური და ფინანსური მხარდაჭერით, მაგრამ კვლავ მრავალი პრობლემა/ბარიერია გადასალახი, რათა ქვეყანა დასახელდეს-განვითარებულ დემოკრატიად სადაც შექმნილია სრულფასოვანი გარემო კეთილდღეობის საზოგადოების დასამკვიდრებლად. წინადადება    რადგან დახმარების უდიდეს ფინანსურ და ინტელექტუალურ წილს გაიღებს აშშ, რათა საქართველო სწრაფად განვითარდეს უპრიანია ეთხოვოს აშშ მთავრობას მოავლინოს  საქართველოს მთავრობასთან შეთანხმებით წარმომადგენელი/ები, რათა ყველა სამინისტროში (და საკვანძო რგოლში) დაიკავონ მინისტრის მოადგილის პოზიცია და სრულფასოვანი კურირება გაუწიონ-რეფორმების მიმართულებას.·         აშშ და საქართველოს შორის არსებული პარტნიორული ურთიერთობა გამორიცხავს შინაარსობრივ და ლოგიკურ დისპუტს სუვერენიტეტის შესუსტების სპეკულაციის თემაზე;·         აშშ მთავრობის დახმარება სასურველია წარმოადგენდეს გრანტს და სრული სახელფასო-სამივლინებო ხარჯები მათი მხრიდან იქნას ანაზღაურებული;·         შემუშავდეს შესაბამისი საკანონმდებლო რეგულაცია, რათა ზემოხსენებულმა საკითხმა არ შექმნას სამართლებრივი კოლიზია.   საქართველოში სტაბილურობის, მისი განვითარების და უსაფრთხოების უმნიშვნელოვანეს ფაქტორად აშშ გვევლინება, შესაბამისად  სრულიად მისაღებად და დროულად მიმაჩნია მისი უფრო აქტიური ჩართვა ქვეყნის განვითარების პროცესში, რამეთუ პარტნიორობამ თვისებრივად ახალ საფეხურზე გადაინაცვლოს და გლობალურ პოზიტიურ შედეგებზე გავიდეთ.  2021 წლის 25 თებერვალი
gallery images

სტუდენტების გზავნილი ხელისუფლებას მიმდინარე პოლიტიკურ პროცესებთან დაკავშირებით

საქართველოს უმაღლესი სასწავლო დაწესებულების სტუდენტები ვეხმაურებით 23 თებერვალს განვითარებულ მოვლენებს, კერძოდ, მთავრობის მიერ ოპოზიციური პარტიის, ერთიანი ნაციონალური მოძრაობის ოფისში განხორციელებულ სპეცოპერაციას, რომლის შედეგადაც პოლიტიკურად მოტივირებული სასამართლოს სუბიექტური გადაწყვეტილების საფუძველზე დააკავეს ყველაზე დიდი ოპოზიციური პარტიის ლიდერი ნიკა მელია.ვგმობთ საქართველოს მთავრობის მიერ მიღებულ გადაწყვეტილებას და მისი განხორციელების ფორმებს, რაც არსებული კრიზისის აღმოფხვრის ნაცვლად, აძლიერებს მიმდინარე შიდა პოლიტიკურ კონფრონტაციას. აღნიშნული ქმედებებით მთავრობამ უგულებელყო საერთაშორისო პარტნიორების გაფრთხილებები და მოწოდებები და ნაცვლად არაძალადობრივი მეთოდებით წარმოებული დიალოგისა, მიმართა აგრესიულ რიტორიკას, ამით კი მნიშვნელოვანი ზიანი მიაყენა ქვეყნის საერთაშორისო რეპუტაციას, შეარყია მისი, როგორც დემოკრატიული და თავისუფალი ქვეყნის აღქმადობა და შეაფერხა ჩრდილოატლანტიკური ინტეგრაციის უმნიშვნელოვანეს გზაზე, რასაც ცხადყოფს არაერთი მნიშვნელოვანი პოლიტიკური ფიგურის მძაფრი კრიტიკა აღნიშნული მოვლენებისადმი.მიმდინარე დღეებში საბჭოთა ოკუპაციიდან შესრულებული 100 წლის თავზე განსაკუთრებით მნიშვნელოვანია სამართლებრივი სახელმწიფოს პრინციპების დამკვიდრება და ერთხელ და სამუდამოდ, საბჭოთა წარსულისა და ავტორიტარული მემკვიდრეობის ნიშან-თვისებების ჩამოცილება, ერთი მხრივ, ქვეყნის შიდა გაძლიერებისა და თავისუფალი ქვეყნის აღმშენებლობისთვის, მეორე მხრივ კი, საერთაშორისო მხრდაჭერის შესანარჩუნებლად, რაც დღეს მთავარი დასაყრდენია ოკუპანტის ძალის წინააღმდეგ პოზიციების შესანარჩუნებლად.შექმნილი ვითარებიდან გამომდინარე, ხელისუფლებას მოვუწოდებთ:დარჩეს ერთგული ქვეყნის პროდასავლური კურსისა და არ განახორციელოს ქვეყნის ეროვნული ინტერესებისათვის საზარალო ქმედებები;პრიორიტეტად შეინარჩუნოს დემოკრატიის განვითარება და პატივი სცეს ხალხის გამოხატულ ნებას;შეწყვიტოს ზეწოლა სასამართლო ინსტიტუტებზე და ხელი შეუწყოს ქვეყანაში ობიექტური, პოლიტიკურად მიუკერძოებელი სამართალწარმპების პროცესებს;უარი თქვას ძალადობრივ რიტორიკასა და პოლიტიკურ დევნაზე, გაათავისუფლოს პოლიტიკური პატიმრები და არსებული საკამათო საკითხების გადასაწყვეტად მხოლოდ იურიდიული და არაძალადობრივი გზები გამოიყენოს;დაუბრუნდეს დიალოგის ფორმატს საპარლამენტო არჩევნების შემდგომ შექმნილი კრიზისის განსახილველად და დასავლელი მედიატორების შუამდგომლობით, ოპოზიციასთან ერთად მიიღოს სიტუაციის განმუხტვის ორივე მხარისთვის ოპტიმალური გადაწყვეტილებები;მოახდინოს საზოგადოების პოლარიზაციისა და სამოქალაქო დაპირისპირების პრევენცია, რაც უკიდურესად მნიშვნელოვანია ქვეყანაში პანდემიის შედეგად დამდგარი უაღრესად უარყოფითი ეკონომიკური და სოციალური სურათიდან გამომდინარე.
gallery images

სამედიცინო სფეროს წარმომადგენლების მიმართვა

სამედიცინო სფეროს წარმომადგენლები ქვეყანაში განვითარებულ მოვლენებს, ნიკა მელიასა და სამოქალაქო აქტივისტების დაკავებას ეხმაურებიან და შეშფოთებას გამოთქვამენ.სამედიცინო სფეროს წარმომადგენლები გმობენ „ხელისუფლების მიერ პოლიტიკურ დევნას” პოლიტიკური ოპონენტებისა თუ სამოქალაქო საზოგადოების წარმომადგენელთა მიმართ.“აგრესიული პოლიტიკა, არსებითად აზიანებს სახელმწიფოს ინტერესებს და ჩვენი ქვეყნის დემოკრატიულ განვითარებას. შექმნილი პოლიტიკური კრიზისის განმუხტვის ნაცვლად, ხელისუფლების შეუზღუდავმა მოქმედებებმა, საზოგადოების განსხვავებული ჯგუფების პროტესტი გამოიწვია. დღეს,  ყველანი გავერთიანდით სამართლებრივი სახელმწიფოს იდეის დაცვის გარშემო. ამგვარი პოლიტიკის გატარება, ხელს არ უწყობს ქართველი ხალხის მიერ კონსტიტუციით გაცხადებული  ფასეულობების დამკვიდრებას და გარდაუვლად ზრდის დასავლური პარტნიორების სკეპტიციზმს. ამას ცხადყოფს დასავლელი მეგობრების დღევანდელი გამოხმაურებები. ამგვარი პოლიტიკის გაგრძელება, შეასუსტებს მსოფლიოს თანამეგობრობის მხარდაჭერას.გვსურს, ხელისუფლებას მოვუწოდოთ:უარი თქვას ქვეყნის  დემოკრატული განვითარების შეფერხებაზე;დაუყოვნებლივ შეწყვიტოს რეპრესიული ინსტრუმენტების გამოყენება და გაათავისუფლოს პოლიტიკური პატიმრები;Ხელმომწერები:  1        სოფიო ჯაფარიძე-ექიმი სტომატოლოგი, დოქტორანტი2        ნუცა ზურაბიანი- ექიმი სტომატოლოგი,პოფესორი3        ვახტანგ კალოანი- ექიმი, ანესთეზიოლოგ-რეანიმატოლოგი4        ნიკოლოზ საინიშვილი-ექიმი, მედიცინის აკადემიური დოქტორი5        თათა საყვარელიძე- ექიმი ნევროლოგი6        ვატო სურგულაძე- ექიმი, ჯანდაცვის ექსპერტი 7        სერგო ჩიხლაძე- ჯანდაცვის ექსპერტი8 ვახტანგ ქაცარავა- ექიმი პულმუნოლოგი, პროფესორი მედიცინის მეცნიერებათა დოქტორი9        არჩილ საყვარელიძე-ექიმი ნევროლოგი, პროფესორი10      ლევან ფერაძე- ექიმი, ბავშვთა ქირურგის მიმართულების ხელმძღვანელი11      თეა ფაჩულია- ექიმი ნეონატოლოგი, საერთაშორისო პარტნიორების ტრენერი12      გიორგი გვილია- ექიმი  თერაპევტი, კარდიოლოგი, გასტოენტეროლოგი13      მიხეილ ზიმლიცკი- ექიმი ორთოპედი,  პროფესორი14      ტრისტან ნიშნიანიძე- ექიმი ორთოპედი, პროფესორი15      მაია დემურიშვილი- ექიმი რადიოლოგი, პროფესორი16      ნინო ყიფიანი- ექიმი ინფექციონისტი, დოქტორი, პროფესორი17      თამარ მეგრელიშვილი- ექიმი ინფექციონისტი, პროფესორი18      მარინა ტუღუში- ექიმი, თერაპევტი, პროფესორი19      მიხეილ დოლიძე- ექიმი, ჯანდაცვის ექსპერტი20      ნანა ჯაკობია-ექიმი ნევროლოგი, მედიცინის დოქტორი, აკადემიკოსი21      ნიკოლოზ სააკაშვილი-ექიმი გასტროენტეროლოგი, მედიცინის დოქტორი, პროფესორი22      ლალი მელია -ექიმი მეან-გინეკოლოგი, პროფესორი23      ნატალია ფირცხალავა- მეან-გინეკოლოგი, პროფესორი24      ლარისა მელია-ექიმი მეან-გინეკოლოგი, პროფესორი25      ნანა სულაძე-ექიმი სტომატოლოგი, პროფესორი26      მანანა მახარაძე- მეან-გინეკოლოგი, პროფესორი27      ქეთევან ონიანი-ექიმი რევმატოლოგი, პროფესორი28      ვლადიმერ კუჭავა-ექიმი პროფესორი, ზოგადი ქირურგი, პროფესორი29      ლალი ჯანაშია- ექიმი პედიატრი30      მაია ქაჩლიშვილი- ექიმი პედიატრი, ინფექციონისტი31      ბექა ერაძე- ექიმი ორთოპედი32      არჩილ ბექიაშვილი- ექიმი, ფსიქიატრი, პროფესორი33      ელენე შეროზია -ექიმი პულმუნოლოგი34      ლევან ბარამიძე- ექიმი, პროფესორი35      ხათუნა ყუფარაძე - ექიმი გინეკოლოგი36      გაიანე სიმონია-ექიმი, პროფესორი37      ლუიზა გაბუნია- ექიმი, ასოცირებული პროფესორი38      დავით ციბაძე- ექიმი, პროფესორი, ნიუჰოსპიტალსის პედიატრიული სამსახურის უფროსი39      ანი ქავთარაძე- ექიმი ანესთზიოლოგი40      მაია მუმლაძე - ექიმი სტომატოლოგი41      დალი დეკანოსიძე- ექიმი პათოლოგ ანატომი42      ნინო ზიმლიცკი - ექიმი მეან-გინეკოლოგი43      ვალერიან კერესელიძე -ექიმი სტომატოლოგი44      მედეა გორგოძე- ექიმი სტომატოლოგი45      ირმა როგავა-ექიმი მეან-გინეკოლოგი46      ნინო ზაუტაშვილი- ექიმი სტომატოლოგი47      კახა ოტიაშვილი-ექიმი სტომატოლოგი48      ტარიელ თოდუა- ექიმი სტომატოლოგი49      მარინა ჯანგავაძე-მეტრეველი- ექიმი ინფექციონისტი50      გიორგი ჭეიშვილი- ექიმი ფსიქიატრი51      გიორგი ჩახუნაშვილი- ექიმი პედიატრი52      გიორგი კარდენახიშვილი-ექიმი რადიოლოგი53      ეკატერინე გოზალიშვილი- ექიმი პედიატრი54      ნინო ვაშაკიძე -ექიმი სტომატოლოგი55      ცისანა ყიფიანი-ექიმი ინფექციონისტი56      ნანა ქაჯაია-ექიმი რევმატოლოგი57      ალექსანდრე საბეკია-ექიმი პედიატრი58      ნოდარ სიხარულიძე - ექიმი59      მაია მუმლაძე- ექიმი სტომატოლოგი60      თინა სიხარულიძე-ექიმი ოფთალმოლოგი61      მარიამ გულაღლიშვილი -ექიმი სტომატოლოგი62      მარიამ ღულაძე - ექიმი სტომატოლოგი63      ქეთევან გორგოძე- ექიმი თერაპპევტი64 ქეთევან გოგიბერიძე -ექიმი ენდოკრინოლოგი, მედიცნის მეცნიერებათა დოქტორი, ასოცირებული პროფეროსი65      დავით მაღრაძე- ექიმი ოტორინოლარინგოლოგი66      თეა  შენგელია- ექიმი ნევროლოგი67      ზანდა გოდერძიშვილი - ექიმი ანესთეზიოლოგი - რეანიმატოლოგი68      ეკატერინე ფერაძე- ექიმი,  ეპიმედიოლოგი69      ნინო გამყრელიძე -ექიმი პედიატრი70      ეთრი მორჩილაშვილი- ექიმი ნეონატოლოგი71      თეა ცინკვერაშვილი- ექიმი სტომატოლოგი72      თამარ სალია-ექიმი ნეონატოლოგი73      ნინა მენაღარიშვილი- ექიმი ფსიქიატრი74      ნანა ონიანი- ექიმი სტომატოლოგი75      ირმა ბოცვაძე- ექიმი სტომატოლოგი-ქირურგი76      გიორგი ახობაძე -ექიმი ანესთეზიოლოგ რეანიმატოლოგი77      მიხეილ კალატოზიშვილი -ექიმი ქირურგი 78      თემურ მჭედლიშვილი- ექიმი ორთოპედი-ტრავმატოლოგი79      თემურ იზორია- ანესთეზიოლოგ რეანიმატოლოგი80      ანნა კალანდაძე -ექიმი პლასტიკური და რეკონსტრუქციული ქირურგი81      ქეთან ჯინჯოლოვა- მეან-გინეკოლოგი82      ეკატერინე ჩიხაშვილი- მეან-გინეკოლოგი რეპრუქტორლოგი83      გელა ობერიუხტინი -ოფთალმოლოგ ქირურგი84      კახაბერ ჩიხრაძე - რეანიმატოლოგი, ნეფროლოგი85      ლელა ინაიშვილი- ექიმი რადიოლოგი86      თინა ჯაში- ექიმი ფსიქიატრი87      ნინო ჩაჩანიძე -ექიმი ენდოკრინოლოგი88      ნინო ჭეიშვილი -ექიმი ფსიქიატრი89      დემურ ჭაფანძე- ექიმი თერაპევტი, კარდიოლოგი90      ცაგარეიშვილი მანანა- ექიმი მან-გინეკოლოგი91      თამთა ჯაფარიძე -ექიმი მეან-გინეკოლოგი92      მაია ბუსიშვილი- ექიმი ლაბორანტი93      მარიამ ბუიღლიშვილი- ექიმი  თერაპევტ პაროდონტოლოგი94      ეკა რუხაძე -ექიმი კარდილოი რეანიმატოლოგი95      სოფიო ტატიშვილი -ექიმი შინაგანი მედიცინა96      კახა ქაშიბაძე-ექიმი ტრანსპლანტოლოგი97      თეა თოდუა- ექიმი კარდიოლოგი98      ირაკლი თოიძე- ექიმი-ნეირიქურგი99      კონსტანტინე ჩახუნაშვილი -ექიმი პედიატრი100    ნოდარ სიხარულიძე -ექიმი101    თინა სიხარულიძე- ექიმი102    აკაკი გურჯიშვილი- ექიმი რეანიმატოლოგი, პირველადი სამედიცინო დახმარების ინსტრუქტორი103    ნინო ლომიძე- ექიმი პირველადი სამედიცინო დახმარების ინსტრუქტორი104    შორენა ჯეჯელავა- ზოგადი  პრაქტიკის ექიმი პირველადი სამედიცინო დახმარების ინსტრუქტორი105    გოჩა გოგალაძე- ქიმი ქირურგი, პირველადი სამედიცინო  დახმარებისი ნსტრუქტორი106    დავით ფოფხაძე- ექიმი ტრავმატოლოგი,  პირველადი სამედიცინო დახმარების ინსტრუქტორი107    მაია დვალიძე-ექიმი რეანიმატოლოგი,  პირველადი  სამედიცინო დახმარების ინსტრუქტორი108    ლევან გოგუაძე- ექიმი რეანიმატოლოგი, პირველადი  სამედიცინო დახმარების ინსტრუქტორი109    ქეთევან ანდღულაძე- ექიმი თერაპევტი,  პირველადი სამედიცინო დახმარების ინსტრუქტორი110    ირინა თუთბერიძე- ექიმი თერაპევტი,  პირველადი სამედიცინო დახმარების ინსტრუქტორი111    ნონა კუკულაძე- ექიმი თერაპევტი, პირველადი  სამედიცინო დახმარების ინსტრუქტორი112    გიგა ლომიძე-ქიმი ქირურგი113    გიორგი ხეროდინაშვილი- ექიმი ქირურგი114    გიორგი დემერაშვილი- ექიმი ქირურგი115    ლანა მალანია- ექიმი რადიოლოგი116    ანა ტატეიშვილი - ექიმი რეზიდენტი მეანობა გინეკოლოგია117    ზაზა ღაჭავა- ექიმი რეზიდენტი მეანობა გინეკოლოგია118    ივერი მაისურაძე- ფარმაცევტი119    ბესიკ კოხრეიძე- ექიმი სტომატოლოგი120    ეკა სამუშია- ექიმი ლაბორანტი121    თამთა ჩხეიძე- ექიმი რეზიდენტი122    კირა სამყურაშვილი-ფარმაცევტი123    ლელა ჩხიკვაძე- ექიმი მეან-გინეკოლოგი124    მანანა ხიდაშელი- ექიმი, რადიოლოგი125    ლევან მეტრეველი- ექიმი, პროფესორი126    ნათია თაკალანძე- ექიმი , თერაპევტ სტომატოლოგი127    გოჩა გორგოძე- ექიმი, პედიატრი128    დავით კაპანაძე - ექიმი პედიატრი129    პაატა გიორგაძე- ექიმი უროლოგი, პროფესორი130    ლევან ჯუღელი- ექიმი, ქირურგი131    ანჟელა თათარაშვილი- ექიმი, თერაპევტ სტომატოლოგი132    მარი იურაში - ექიმი, თერაპევტი სტომატოლოგი133    ნინიკო წულაია- ექიმი თერაპევტ სტომატოლოგი134    თამუნა თუმანიშვილი- ექიმი თერაპევტი135    ნინო ზიმლიცკი - ექიმი მეან-გინეკოლოგი136    ანა გახოკიძე-ექიმი თერაპევტი137    მანანა მაისურაძე- ექიმი ნევროლოგი138    ლელა კვაჯაძე-ექიმი პედიატრი139    აკაკი ჭუბაბრია- ექიმი ექოსკოპისტი 140    ლაშა ძიძიგური- ექიმი ტრავმატოლოგი141    მარი წერეთელი-ექიმი ნეონატოლოგი142    ლევან ქაძანაია- ექიმი უროლოგი143    ნანა ჩარგაზია-ექიმი ნევროლოგი144    რუსუდან ბარათელი- ფარმაცევტი145    თამრიკო ნატროშვილი-ექიმი სტომატოლოგი, პროფესორი146    ნიკოლოზ მეგრელიშვილი- ექიმი ფთიზიატრი147    ვარლამ მოსიძე-ექიმი, კანისა და ვენ სნეულებათა სპეციალისტი148    გია ჩალათაშვილი- ექიმი ექოსკოპისტი149    ნესტან ონიანი- ექიმი თერაპევტი150    მაია ჯაფარიძე- ექიმი მეან-გინეკოლოგი151    ნანა ძაგოშვილი- ექიმი კარდიოლოგი152    ლევან მაყაშვილი- ექიმი გინეკოლოგი153    ნიკა მეგრელიშვილი-ექიმი პულმუნოლოგი
gallery images

სტუდენტების მიმართვა ხელისუფლებას

ჩვენ, საქართველოს უმაღლესი სასწავლებლების სტუდენტები, ვეხმაურებით ქვეყანაში განვითარებული მოვლენებს. განსხვავებული თუ კრიტიკული აზრის ჩახშობა, საზოგადოების ორად გახლეჩა და დაპირისპირება, სახელმწიფოს რეპრესიული და არაპროპორციული ძალის გამოყენება,   ეწინააღმდეგება დემოკრატიული სახელმწიფოს და ადამიანის უფლებების დაცვის ღირებულებებს. ასე გვასწავლეს და ასე გვჯერა!  კონსტიტუციით გარანტირებული ღირებულებები  გვინდა ფურცლების გარდა პრაქტიკაშიც დავინახოთ.  გვინდა დავინახოთ იმიტომ, რომ ამით ჩვენს მომავალსაც სპობთ.ნაცვლად იმისა, რომ ხელისუფლებამ იზრუნოს ქვეყანაში არსებული პრობლემებისა და კრიზისების მოგვარებაზე, ის კიდევ უფრო აღრმავებს არსებულ კრიზისებს, ხელს უწყობს საზოგადოების პოლარიზაციას და რეალური პრობლემებიდან ფოკუსი გადააქვს სხვა ისეთ საკითხებზე, რომლებიც ნამდვილად არ წარმოადგენს საზოგადოების, მათ შორის სტუდენტების ინტერესებს.ნაცვლად იმისა, რომ ხელისუფლებამ ამ და სხვა პრობლემების მოგვარებაზე იზრუნოს, დაკავებულია პოლიტიკური ოპონენტების რეპრესიული დევნით, რაც გარდა იმისა რომ საფრთხეს უქმნის ჩვენი ქვეყნის ევროინტეგრაციას, ამავე დროს ყურადღების მიღმა ტოვებს საზოგადოების სხვადასხვა ჯგუფების საჭიროებებსა და პრობლემებს.მიგვაჩნია, რომ ადამიანის უფლებების და თავისუფლებების დაცვა ტრაფარეტული შინაარსის არ უნდა იყოს, სახელმწიფო ინსტიტუტები სამართლებრივი, ხოლო ხელისუფლება არაძალადობრივი მეთოდებით უნდა ცდილობდეს ნებისმიერი კრიზისული ვითარების განმუხტვას!მიგვაჩნია, რომ ხელისუფლებამ არც ერთ ეტაპზე არ უნდა შეუქმნას საფრთხე ჩვენი სახელმწიფოს ევროპულ და ევროატლანტიკურ მისწრაფებებს და არ დაუშვას ჩვენი დასავლეთისგან იზოლაცია! მიგვაჩნია, რომ პოლიტიკური, ეკონომიკური და ჰუმანიტარული კრიზისიდან გამოსვლის ნაცვლად ხელისუფლება ოპონენტების, სამოქალაქო აქტივისტების მიმართ რეპრესიულ პოლიტიკას არ უნდა ატარებდეს!ხელმომწერები:ნაზი ერემეიშვილი - სისხლის სამართლის სამაგისტრო პროგრამა, ილიას სახელმწიფო უნივერსიტეტიმარიამ ფოჩხუა - სამართლის ფაკულტეტი, საქართველოს ეროვნული უნივერსიტეტიედო ჯავახაძე - სამართლის სკოლა, თავისუფალი უნივერსიტეტიგიორგი ნეფარიძე - სამართლის ფაკულტეტი, თბილისის სახელმწიფო უნივერსიტეტიმათე მგელაძე - სამართლის სკოლა, ილიას სახელმწიფო უნივერსიტეტილაშა ჭუმბაძე - სამართლის ფაკულტეტი, აკაკი წერეთლის სახელმწიფო უნივერსიტეტილევან სანიკიძე - სამართლის ფაკულტეტი, თბილისის სახელმწიფო უნივერსიტეტიგიგი გიგიტელაშვილი - სამართლის სკოლა, ილიას სახელმწიფო უნივერსიტეტიმარიამ ჯიქია - საჯარო სამართალი და პოლიტიკა, ილიას სახელმწიფო უნივერსიტეტიროლანდ ბაღათურია - საჯარო სექტორის ინოვაციები და ელექტრონული მმართველობა, KU Leuvenსალომე მაისურაძე - სამართლის ფაკულტეტი, საქართველოს ეროვნული უნივერსიტეტიმეგი შამათავა - სამართლის სკოლა, ილიას სახელმწიფო უნივერსიტეტისალომე კვირიკაშვილი - საჯარო სამართალი და პოლიტიკა, ილიას სახელმწიფო უნივერსიტეტიგვანცა ქასრაშვილი - მედიცინის ფაკულტეტი, თბილისის სახელმწიფო სამედიცინო უნივერსიტეტისალომე რურუა - საჯარო სამართალი და პოლიტიკა, ილიას სახელმწიფო უნივერსიტეტიმარიამ გეწაძე - სამართლის ფაკულტეტი, ნიუ ვიჟენის უნივერსიტეტი თამარ მეტრეველი - საჯარო პოლიტიკის ადმინისტრირების სამაგისტრო პროგრამა, ილიას სახელმწიფო უნივერსიტეტინაზი ჭალისური - სამართლის სკოლა, ილიას სახელმწიფო უნივერსიტეტიბექა ქავთარია - საერთაშორისო ურთიერთობები, კავკასიის საერთაშორისო უნივერსიტეტიფარნავაზ ზერეკიძე - არქიტექტურის ფაკულტეტი, საქართველოს სამხატვრო აკადემიაბექა ადუაშვილი - განათლების ადმინისტრირების სამაგისტრო პროგრამა, ილიას სახელმწიფო უნივერსიტეტი ქრისტინა ჯიქია - სამართლის სკოლა, ილიას სახელმწიფო უნივერსიტეტიგაგა თუთარაშვილი - საჯარო სამართალი და პოლიტიკა,  ილიას სახელმწიფო უნივერსიტეტი   ანა ოქრიაშვილი - მეცნიერების და ხელოვნების ფაკულტეტი, ილიას სახელმწიფო უნივერსიტეტიგიორგი ჩხეიძე - სამართლის სკოლა, ილიას სახელმწიფო უნივერსიტეტინინო ბოჭორიძე - იურიდიულ და სოციალურ მეცნიერებათა ფაკულტეტი, აღმოსავლეთ ევროპის უნივერსიტეტილევან ხარბედია - სამართლის ფაკულტეტი, თბილისის სახელმწიფო უნივერსიტეტიმამუკა ჯუღელი - ბიზნესის ადმინისტრირება, ილიას სახელმწიფო უნივერსიტეტინიკა რომანაძე - მეცნიერების და ხელოვნების ფაკულტეტი, ილიას სახელმწიფო უნივერსიტეტილია დეკანაძე - პოლიტიკის მეცნიერებები, თბილისის სახელმწიფო უნივერსიტეტიპეტრე მაჩიტიძე - გეოგრაფიის ფაკულტეტი, აკაკი წერეთლის სახელმწიფო უნივერსიტეტიდავით მჟავანაძე - საჯარო სამართლის და პოლიტიკის ფაკულტეტი, ილიას სახელწმიფო უნივერსიტეტიმარიამ ადეიშვილი - სამართლისა და საერთაშორისო ურთიერთობების ფაკულტეტი, საქართველოს ტექნიკური უნივერსიტეტინაშირ ორდუხანი - სამართლის სკოლა, ილიას სახელმწიფო უნივერსიტეტიირაკლი ხარატიშვილი - პოლიტიკის მეცნიერებები, ილიას სახელმწიფო უნივერსიტეტისალომე ბრეგვაძე - სტუდენტი, თბილისიმერი გაფრინდაშვილი - სტუდენტი, თბილისიელენე სიჭინავა - სტუდენტი, თბილისინანა გვაზავა - სტუდენტი, თბილისილიკა თაბუკაშვილი - სტუდენტი, თბილისიარჩილ ბერიძე - სტუდენტი, ბათუმისოფიკო თავდიდიშვილი - სტუდენტი, ავსტრიალიზი ლომთაძე - სტუდენტი, თბილისინანა კიტია - სტუდენტი, ხობისაბა დარჩია - სტუდენტი, ფოთითეონა გურული - სტუდენტი, თბილისითათია შამათავა - სტუდენტი, თბილისიმარიკა გიორგაძე - სტუდენტი, თბილისიანანო სუარიძე - სტუდენტი, რუსთავიირაკლი იაგორაშვილი - სტუდენტი, თბილისინინო ლომაია - სტუდენტი, ბათუმიმირანდა კახიძე - სტუდენტი , თბილისიოთარ შენგელია - სტუდენტი, ჩხოროწყუბადრი ოყუჯავა - სტუდენტი, თბილისილუკა შავერდაშვილი - სტუდენტი, თბილისინათია თვალიაშვილი - სტუდენტი, თბილისი